គីមីវិទ្យា

តើអ្នកចង់ដោះស្រាយជាពិសេសជាមួយនឹងដំណើរការគីមីដែរ ឬទេ? ក្នុងមុខជំនាញគីមីវិទ្យា អ្នកនឹងសិក្សាអំពីអ្វីៗគ្រប់យ៉ាងអំពីរូបធាតុ និងរចនាសម្ព័ន្ធរបស់វា។ អ្នកនឹងសិក្សាអំពីរបៀបវិភាគសារធាតុគីមី និងរបៀបបង្កើតដំណើរការគីមីថ្មីៗ។ ហើយអ្នកក៏នឹងទទួលបាននូវបទពិសោធន៍ពោរពេញដោយការអនុវត្តក្នុងមន្ទីរពិសោធន៍។ មុខជំនាញនេះនឹងរៀបចំអ្នកឱ្យចេះវិភាគចំណីអាហារ និងឱសថ និងកន្លែងកើតហេតុនៃអំពើឧក្រិដ្ឋកម្មផងដែរ។

បទសម្ភាសន៍ជាមួយនឹងនិស្សិតផ្នែកគីមីវិទ្យា

ថាត់ គីមហុង (អាយុ ២២ឆ្នាំ) គឺជានិស្សិតឆ្នាំទី៤ នៃសាកលវិទ្យាល័យភូមិន្ទភ្នំពេញ ហើយកំពុងសិក្សាជំនាញ គីមីវិទ្យា។
គីមហុងបានជ្រើសរើសជំនាញនេះដោយសារតែគីមីវិទ្យាអាចជួយសហគមន៍ ក៏ដូចជាគ្រួសាររបស់គាត់បាន។ ពួកគេគឺជាគ្រួសារកសិករ ហើយមុខជំនាញនេះក៏មានការពាក់ព័ន្ធនឹងការប្រើប្រាស់សារធាតុគីមីក្នុងការដាំដុះដើម្បីធ្វើឱ្យវិស័យកសិកម្មក្នុងប្រទេសកម្ពុជាកាន់តែប្រសើរឡើង។ មុខជំនាញនេះក៏បានជួយលើកកម្ពស់វិស័យកសិ-ឧស្សាហកម្ម និងសុខភាព សាធារណៈផងដែរ។

អ្វីដែលគីមហុងចូលចិត្តអំពីមុខជំនាញនេះគឺទ្រឹស្ដី និងការពិសោធ ការសិក្សាអំពីជំងឺ និងមេរោគ និងការសិក្សាអំពីប្រតិកម្មគីមី។ បន្ទុកការងារគឺមានតុល្យភាព។ វាតម្រូវរយៈពេល ៥ម៉ោងសិក្សាជាមួយគ្រូ ចូលរៀនថ្នាក់ភាសាអង់គ្លេស ១ថ្ងៃក្នុងមួយសប្ដាហ៍ និង ៣ថ្ងៃទៀតគឺដើម្បីធ្វើកិច្ចការដែលនៅសេសសល់ និងការងារជាមួយក្រុម។

មុខវិជ្ជាដែលគីមហុងចូលចិត្តជាងគេនោះរួមមានបច្ចេកទេសក្នុងជីវគីមីវិទ្យា ហ្សែនជីវសាស្ត្រ និងជីវគីមីនៃភាពស៊ាំវិទ្យា។ គីមហុងមិនចូលចិត្តនៅពេលដែលនិស្សិតត្រូវការប្រើប្រាស់ម៉ាស៊ីន តែបែរជាមិនមានគ្រប់គ្រាន់សម្រាប់និស្សិតគ្រប់គ្នា។ បន្ទាប់ពីបញ្ចប់ការសិក្សា គីមហុងចង់បើកអាជីវកម្មផ្ទាល់ខ្លួនមួយដែលអាចជួយដល់វិស័យកសិកម្ម។

សាកលវិទ្យាល័យខាងក្រោមមានបង្រៀនមុខជំនាញនេះ៖

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}