តើអ្នកធ្លាប់ស្រមៃថានឹងបើកយន្ដហោះដែរ ឬទេ? តើអ្នកជាមនុស្សដែលល្អិតល្អន់ មានជំនាញទំនាក់ទំនងល្អ និងអាចធ្វើបានល្អទោះស្ថិតក្រោមសម្ពាធដែរ ឬទេ? នោះអ្នកអាចពិចារណាក្នុងការក្លាយជាអ្នកបើកយន្តហោះ។ អ្នកបើកយន្ដហោះត្រូវបើកយន្ដហោះ ដឹកជញ្ជូនឥវ៉ាន់ និងអ្នកដំណើរ ប៉ុន្តែក៏អាចនឹងធ្វើកិច្ចការផ្សេងទៀតដូចជាការស្ទង់មតិពីលើអាកាស និងធ្វើប្រតិបត្តិការស្វែងរក និងជួយសង្គ្រោះផងដែរ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Beltei International University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកមានអារម្មណ៍ថារំភើបដោយសារតែសមាសធាតុ និងប្រព័ន្ធដ៏ស្មុគស្មាញជាច្រើននៃយន្ដហោះ និងរបៀបដែលប្រព័ន្ធទាំងនេះមានអន្តរកម្មនឹងគ្នាដើម្បីធ្វើឱ្យវាហោះដែរ ឬទេ? នោះអ្នកគួរពិចារណាមុខជំនាញផ្នែកវិស្វកម្មថែទាំយន្តហោះ។ ដោយត្រូវបានបង្កើតឡើងដោយមូលដ្ឋានគ្រឹះដ៏រឹងមាំនៃមុខវិជ្ជាគណិតវិទ្យា និងរូបវិទ្យា ជំនាញនេះនឹងបង្រៀនអ្នកទាំងអស់អំពីការថែទាំ និងជួសជុលយន្តហោះ បញ្ហារំខាននានា ការធ្វើអធិការកិច្ច និងការតម្លើងផ្សេងៗលើយាន។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Beltei International University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

ប្រសិនបើអ្នកចង់ចាប់យកឯកទេសក្នុងការធ្វើការជាមួយនឹងឱសថរុក្ខជាតិ នោះអ្នកគួរតែងាកមកមើលជំនាញការព្យាបាលដោយប្រើថ្នាំរុក្ខជាតិ។ អ្នកនឹងសិក្សាអំពីរបៀបប្រើប្រាស់រុក្ខជាតិស្មៅដើម្បីលើកកម្ពស់សុខភាពប្រសើរឡើង និងជម្រុញសុខុមាលភាព។ ក្រៅពីនេះ អ្នកនឹងសិក្សាអំពីផលប៉ះពាល់នៃអាហារបំប៉នលើសុខភាពមនុស្សផងដែរ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• International University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់ជួយអ្នកជំងឺដែលមានតម្រូវការទាំងផ្លូវកាយ និងផ្លូវចិត្តដែរ ឬទេ? នោះអ្នកគួរតែពិនិត្យមើលជំនាញគិលានុបដ្ឋាយិកា។ អ្នកនឹងសិក្សាអំពីគ្រប់ប្រភេទនៃទិដ្ឋិការថែទាំសុខភាពចាប់ពីការពិនិត្យសញ្ញាណសំខាន់ៗ និងការចាក់ថ្នាំ រហូតដល់ការជួយសកម្មភាពប្រចាំថ្ងៃដល់អ្នកជំងឺមានដូចជាការមុជទឹក និងបញ្ចុកអាហារ
ជាដើម។ ក្រោយបញ្ចប់ការសិក្សាអ្នកអាចយកចំណេះដឹងទាំងនេះមកអនុវត្តនៅកន្លែងការងារដូចជាមន្ទីរពេទ្យ មណ្ឌលថែទាំ ឬការិយាល័យវេជ្ជបណ្ឌិត។

បទសម្ភាសន៍ជាមួយនិស្សិតផ្នែកគិលានុប្បដ្ឋាក

ម៉ុន ចន្ថា (អាយុ ២១ឆ្នាំ) ជំនាញគិលានុប្បដ្ឋាក និងជានិស្សិតឆ្នាំទី២ នៅសាកលវិទ្យាល័យបញ្ញាសាស្ត្រ។ គាត់សម្រេចចិត្តសិក្សាជំនាញនេះដោយសារគាត់ដឹងថានៅប្រទេសកម្ពុជាមានគិលានុប្បដ្ឋាកមិនគ្រប់នៅឡើយទេ ហើយគាត់ចង់សិក្សាអំពីការថែទាំសុខភាព និងការការពារប្រឆាំងនឹងជំងឺនានា។ គាត់និយាយថាមុខវិជ្ជាដែលគាត់ចូលចិត្តជាងគេគឺសរីរវិទ្យា ដោយសារគាត់ចង់ស្វែងយល់អ្វីគ្រប់យ៉ាងអំពីខ្លួនប្រាណមនុស្ស។ គាត់ក៏ចូលចិត្តបទពិសោធន៍ដែលគាត់ទទួលបានពីការរៀនសូត្រនៅសាលា និងជាអ្នកហាត់ការនៅមន្ទីរពេទ្យ ហើយគាត់សង្ឃឹមថានឹងធ្វើការនៅមន្ទីរពេទ្យរដ្ឋនៅទីក្រុងភ្នំពេញបន្ទាប់ពីបញ្ចប់ការសិក្សា។ ចន្ថាលើកឡើងថាអ្នកត្រូវរៀន ៦ថ្ងៃក្នុងមួយសប្ដាហ៍សម្រាប់មុខជំនាញនេះ។

គន្លឹះរបស់ចន្ថាសម្រាប់សិស្សវិទ្យាល័យ៖ មុខវីជ្ជាវិទ្យាល័យភាគច្រើនគឺសំខាន់ ហេតុនេះអ្នកគួរតែខិតខំប្រឹងរៀនសូត្រ និងអត់ធ្មត់ប្រសិនបើអ្នកចង់ទទួលបានលទ្ធផល។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Angkor University, Siem Reap
• International University, Phnom Penh
• Life University, Sihanoukville
• Norton University, Phnom Penh
• University of Health Sciences / Université des Sciences de la Santé, Phnom Penh
• University of Puthisastra, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចាប់អារម្មណ៍ក្នុងវិស័យសុខាភិបាលផ្នែកសម្ភពដែរ ឬទេ? នោះជំនាញឆ្មបអាចជាជំនាញសម្រាប់អ្នក។ អ្នកនឹងសិក្សាអំពីរបៀបពិនិត្យសុខភាពលើស្ត្រីកំឡុងពេលមានផ្ទៃពោះ រៀបចំពួកគេដើម្បីសម្រាលកូន ជួយពួកគេពេលកំពុង និងក្រោយពេលសម្រាលកូនផងដែរ។ ឆ្មបធ្វើការយ៉ាងជិតស្និទ្ធជាមួយនឹងអ្នកជំងឺរបស់ពួកគេ ដូច្នេះវាមានសារៈសំខាន់ដែលពួកគេពូកែក្នុងការទំនាក់ទំនង និងចូលចិត្តធ្វើការផ្ទាល់ជាមយយអ្នកដទៃ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Angkor University, Siem Reap
• International University, Phnom Penh
• Life University, Sihanoukville
• Norton University, Phnom Penh
• University of Health Sciences / Université des Sciences de la Santé, Phnom Penh
• University of Puthisastra, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចាប់អារម្មណ៍ផ្នែកសុខភាពមាត់ធ្មេញដែរ ឬទេ? នោះជំនាញទន្ដសាស្ត្រអាចជាជម្រើសត្រឹមត្រូវសម្រាប់អ្នក។ អ្នកនឹងសិក្សាអំពីអនាម័យមាត់ធ្មេញ និងរបៀបវិនិច្ឆ័យ និងព្យាបាលជំងឺមាត់ធ្មេញ។ តាមរយៈការសិក្សា ជាឧទាហរណ៍អ្នកនឹងអាចទទួលបានឯកទេសក្នុងផ្នែកពេទ្យធ្មេញ ឬវះកាត់ធ្មេញផងដែរ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• International University, Phnom Penh
• Norton University, Phnom Penh
• University of Health Sciences / Université des Sciences de la Santé, Phnom Penh
• University of Puthisastra, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់ធ្វើឱ្យសុខភាពមាត់ធ្មេញរបស់ប្រជាជនល្អប្រសើរដែរ ឬទេ? នោះអ្នកគួរតែពិចារណាមុខជំនាញផ្នែកបច្ចេកវិទ្យា និងជំនួយការទន្តសាស្ត្រ។ ក្នុងនាមជាគិលានុបដ្ឋាយិការធ្មេញ អ្នកអាចចូលរួមជាមួយក្រុមថែទាំសុខភាពមាត់ធ្មេញដើម្បីព្យាបាលអ្នកជំងឺគ្រប់វ័យទាំងអស់។ អ្នកនឹងជួយក្រុមនេះដោយធ្វើកិច្ចការដូចជារៀបចំឧបករណ៍សម្រាប់ប្រើប្រាស់កំឡុងពេលដំណើរការព្យាបាល កត់ត្រាព័ត៌មានវេជ្ជសាស្ត្រ ណែនាំអ្នកជំងឺអំពីអនាម័យមាត់ធ្មេញ និងធានាថាពេលព្យាបាលអ្នកជំងឺមានអារម្មណ៍ធម្មតា។ អ្នកក៏នឹងសិក្សាអំពីដំណើរការទន្តសាស្ត្រផ្សេងៗពីការត្រួតពិនិត្យទូទៅ រហូតដល់ការព្យាបាលរបស់អ្នកជំនាញ។ ប្រសិនបើអ្នកចូលចិត្តវិធីសាស្ត្របច្ចេកទេស អ្នកអាចនឹងចាប់អារម្មណ៍ផ្នែកធ្មេញសប្បនិម្មិត។​ អ្នកនឹងសិក្សាអំពីរបៀបបង្កើត ពិនិត្យមើល និងថែទាំធ្មេញសប្បនិម្មិត និងឧបករណ៍ធ្មេញជាដើម។

សាកលវិទ្យាល័យខាងក្រោមមានបង្រៀនមុខជំនាញនេះ៖

• International University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចាប់អារម្មណ៍ក្នុងការប្រើប្រាស់ការស្រាវជ្រាវមន្ទីរពិសោធន៍ដើម្បីធ្វើរោគវិនិច្ឆ័យ និងជួយដល់អ្នកជំងឺដែរ ឬទេ? នោះជំនាញផ្នែកបច្ចេកវិទ្យាមន្ទីរពិសោធន៍វេជ្ជសាស្ត្រអាចជាជំនាញសម្រាប់អ្នក។ ក្នុងមុខជំនាញនេះ អ្នកនឹងផ្ដោតលើការស្រាវជ្រាវ និងបច្ចេកទេសវិនិច្ឆ័យរោគក្នុងវិស័យជីវវិទ្យាមនុស្ស។ ឧទាហរណ៍ អ្នកនឹងសិក្សាដើម្បីប្រើប្រាស់មីក្រូទស្សន៍ដើម្បីពិនិត្យទឹកនោម ឈាម ឬលាមក។ វិស័យនេះមានការអភិវឌ្ឍយ៉ាងរហ័ស ដូច្នេះអ្នកនឹងសិក្សាអំពីបច្ចេកវិទ្យាទំនើបថ្មីៗបំផុត។

សាកលវិទ្យាល័យខាងក្រោមមានបង្រៀនមុខជំនាញនេះ៖

• International University, Phnom Penh
• Norton University, Phnom Penh
• University of Health Sciences / Université des Sciences de la Santé, Phnom Penh
• University of Puthisastra, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

ប្រសិនបើអ្នកចង់ធ្វើឱ្យជីវិតមនុស្សមានភាពប្រសើរឡើងដោយបង្រៀនពួកគេអំពីរបៀបរស់នៅប្រកបដោយផាសុកភាព នោះជំនាញក្នុងវិទ្យាសាស្ត្រសុខាភិបាលស្ដាប់ទៅជាជម្រើសសម្រាប់អ្នក។ អ្នកនឹងសិក្សាអំពីប្រភេទជំងឺផ្សេងៗ និងរបៀបដែលពួកវាកកើតចេញពីឥរិយាបទរបស់មនុស្សដែលមិនល្អសម្រាប់សុខភាព។ បន្ទាប់ពីបញ្ចប់ការសិក្សា អ្នកនឹងបង្រៀន និងលើកទឹកចិត្តមនុស្សឱ្យទទួលយករបៀបរស់នៅដែលប្រកបដោយសុខភាពល្អជាងនេះ (ឧ. ហាត់ប្រាណឱ្យបានទៀងទាត់ និងបរិភោគអាហារបំប៉ន) ដើម្បីការពារពួកគេពីជំងឺ
នានា។

សាកលវិទ្យាល័យខាងក្រោមមានបង្រៀនមុខជំនាញនេះ៖

• University of Health Sciences / Université des Sciences de la Santé, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចាប់អារម្មណ៍ក្នុងការថែទាំសុខភាពពាក់ព័ន្ធភ្នែកដែរ ឬទេ? នោះអ្នកគួរតែពិនិត្យមើលជំនាញវិទ្យាសាស្ត្រអុបទិច។ ជំនាញនេះសិក្សាអំពីវិធីដែលពន្លឺត្រូវបានចាប់យកតាមរយៈភ្នែក និងរបៀបដែលភ្នែករបស់មនុស្សអាចចាប់យកពន្លឺទាំងនេះខុស។ អ្នកនឹងសិក្សាអំពីរបៀបប្រើប្រាស់បច្ចេកវិទ្យាចុងក្រោយដើម្បីរករោគវិនិច្ឆ័យ និងព្យាបាលការខូចចក្ខុវិស័យរបស់មនុស្សផងដែរ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• National Polytechnic Institute of Cambodia, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់ប្រើប្រាស់ជំនាញបច្ចេកទេសរបស់អ្នកដើម្បីជំនាញក្នុងការប្រើប្រាស់វិទ្យុសកម្មដើម្បីរករោគវិនិច្ឆ័យអ្នកជំងឺដែរ ឬទេ? នោះជំនាញវិទ្យុសកម្មស្ដាប់មើលទៅជាជម្រើសត្រឹមត្រូវសម្រាប់អ្នក។ អ្នកនឹងសិក្សាអំពីរបៀបប្រើប្រាស់កាំរស្មី X-Ray និង MRIs ដើម្បីរករោគវិនិច្ឆ័យអ្នកជំងឺ។ មូលដ្ឋានគ្រឹះរឹងមាំក្នុងផ្នែកគណិតវិទ្យាអាចមានអត្ថប្រយោជន៍ពេលជ្រើសរើសយកជំនាញនេះ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• International University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

ប្រសិនបើអ្នកស្រមៃថាចង់ក្លាយជាវេជ្ជបណ្ឌិត នោះអ្ន គួ តែសិក្សាជំនាញក្នុងផ្នែកវេជ្ជសាស្ត្រ។ អ្នកនឹងសិក្សាអំព រាងកាយរបស់មនុស្ស និងរបៀបវិនិច្ឆ័យរោគ និ ព្យាបា ជំងឺរបស់ពួកគេ។ វិធីសាស្ត្រថ្មីៗក្នុងការព្យាបាលជំងឺនឹ ត្រូវយកមកពិភាក្សា ហើយអ្នកនឹងត្រូវបានលើកទឹកចិត្តឱ្ ធ្វើការស្រាវជ្រាវក្នុងវិស័យវេជ្ជ សាស្ត្រដោយខ្លួនអ្នកផ្ទាល់។ ដោយក្នុងវិស័យនេះតែងតែមានការអភិវឌ្ឍជានិច្ច នោ អ្នកនឹងមិនឈប់ក្នុងការសិក្សាអ្វីដែលថ្មីនោះទេ។

បទសម្ភាសន៍ជាមួយនឹងនិស្សិតផ្នែកវេជ្ជសាស្ត្រ

ហាយ ប៊ុនហាំ និងរ៉េត សុផល គឺជានិស្សិតផ្នែកវេជ្ជសាស្ត្រនៃសាកលវិទ្យាល័យវិទ្យាសាស្ត្រសុខាភិបាល នៅភ្នំពេញ។ ប៊ុនហាំ (និស្សិតឆ្នាំទី៥) ពន្យល់ថាគាត់ជ្រើសរើសសិក្សាមុខជំនាញវេជ្ជសាស្ត្រនេះពីព្រោះគាត់ស្រឡាញ់ការជួយ និងសង្គ្រោះជីវិតអ្នកដទៃ។ សុផល (និស្សិតឆ្នាំទី៨) បានសម្រេចចិត្តសិក្សាមុខជំនាញវេជ្ជសាស្ត្រនេះដោយសារគាត់ចង់ឱ្យអ្នកដទៃមានភាពសប្បាយរីករាយ និងមានសុខភាពល្អដោយបំបាត់ការឈឺចាប់របស់ពួកគេ។ គាត់គិតថាការក្លាយជាវេជ្ជបណ្ឌិត គាត់នឹងមានវិជ្ជាជីវៈដែលគួរឱ្យគោរព ដែលនឹងអាចឱ្យគាត់ទទួលបាននូវប្រាក់ខែសមស្របមួយក្រោយបញ្ចប់ការសិក្សា។

សុផលពន្យល់ថាគាត់ចូលចិត្តការរៀនបន្ថែមអំពីយន្ដការទាំងឡាយនៅក្នុងខ្លួនមនុស្ស។ មុខវិជ្ជាដែលគាត់ចូលចិត្តគឺសិរីរវិទ្យាដោយសារគាត់អាចសិក្សាបានច្រើនអំពីរបៀបដែលខ្លួនប្រាណមនុស្សដ ណើរការ។ ដោយឡែកមុខវិជ្ជាដែលប៊ុនហាំចូលចិត្តនោះគឺរោគសាស្ត្រវេជ្ជសាស្ត្រ និងវះកាត់ និងកាយវិភាគសាស្ត្រ។ អ្វីដែលសុផលមិនចូលចិត្តអំពីមុខជំនាញនេះគឺរយៈពេលធ្វើការយូរដែលគាត់ត្រូវចំណាយ។ ជាឧទាហរណ៍ ពេលខ្លះគាត់ត្រូវប្រចាំការទទួលទូរស័ព្ទពេញ ២៤ម៉ោងដែលវាពិតជានឿយហត់ណាស់។ ប៊ុនថាំលើកឡើងថាគាត់មិនចូលចិត្តបរិមាណនៃសម្ភារៈសិក្សាដែលសិស្សនិស្សិតត្រូវអាន និងទន្ទេញ។

សិស្សនិស្សិតផ្នែកវេជ្ជសាស្ត្រត្រូវធ្វើការនៅស្ថាប័នថែទាំសុខភាពដើម្បីយកចំណេះដឹងដែលពួកគេបានសិក្សា កអនុវត្ត។ ថ្មីៗនេះសុផលធ្វើការពេញម៉ោងជាអ្នកហាត់ការនៅមន្ទីរពេទ្យដែលជាផ្នែកមួយនៃឆ្នាំសិក្សាចុងក្រោយរបស់គាត ផងដែរ។ ក្រៅពីម៉ោងធ្វើការ គាត់ចំណាយពេលប្រហែល ២០ម៉ោងក្នុងមួយសប្ដាហ៍លើស្វ័យសិក្សា។ បន្ទាប់ពីបញ្ចប់ការសិក្សា សុផលចង់ធ្វើការជាគ្រូពេទ្យ ហើយប៊ុនហាំចង់ក្លាយជាអ្នកវះកាត់។ ប៊ុនហាំបានផ្ដល់អនុសាសន៍ដល់ប្អូនៗនិស្សិតពេទ្យដទៃទៀតឱ្យប្រឡងយកឯកទេសបន្ទាប់ពីចប់ឆ្នាំទី ៦ដូចអ្វីដែលគាត់នឹងធ្វើដែរ។

និស្សិតទាំង ២រូបបានលើកឡើងថាមានមុខវិជ្ជានៅវិទ្យាល័យចំនួន ៣ដែលមានសារៈសំខាន់សម្រាប់មុខជំនាញនេះ។ ជាដំបូង មុខវិជ្ជាជីវវិទ្យាគឺអាចយកមកអនុវត្តក្នុងវិស័យវេជ្ជសាស្ត្រព្រោះអ្នកសិក្សាអំពីកោសិកា សារពាង្គកាយមនុស្ស និងសរីរាង្គផងដែរ។ បន្ទាប់មកទៀត គីមីវិទ្យា គឺមានការពាក់ព័ន្ធដោយសារតែអ្នកសិក្សាអំពីអន្តរកម្មរវាងម៉ូលេគុលមួយចំនួនដូចជា កាល់ស្យូម ប៉ូតាស្យូម និងសូដ្យូមជាដើម។ មុខវិជ្ជាទាំងនេះគឺត្រូវការចាំបាច់ដើម្បីសង្គ្រោះជីវិតមនុស្ស។ ចុងក្រោយមុខវិជ្ជាដែលទាក់ទងនោះគឺក្រមសីលធម៌ដោយសារដើម្បីក្លាយជាវេជ្ជបណ្ឌិតល្អមួយរូបអ្ន ត្រូវប្រព្រឹត្តខ្លួនតាមក្រមសីលធម៌។ ប៊ុនហាំលើកឡើងថាមូលដ្ឋានគ្រឹះផ្នែក គណិតវិទ្យាក៏មានសារៈសំខាន់សម្រាប់និស្សិតមុខជំនាញពេទ្យផងដែរ។

គន្លឹះរបស់សុផលសម្រាប់និស្សិតពេទ្យ? អ្នកត្រូវប្រាកដថាអ្នកស្រឡាញ់ការងារនេះ។ ក្នុងនាមជានិស្សិតពេទ្យ អ្នកត្រូវតែមានការប្ដេជ្ញាចិត្ត មានការលើកទឹកចិត្ត និងឆន្ទៈក្នុងការខិតខំរៀនសូត្រ។ លើសពីនេះអ្នកត្រូវប្រាកដថាអ្នកមានការរំពឹងទុកផ្នែកអាជីពច្បាស់លាស់ ដោយសារតែមុខជំនាញវេជ្ជសាស្ត្រទាមទារការងារលំបាកៗ វិន័យត្រឹមត្រូវច្រើន ហើយអ្នកត្រូវមានឆន្ទៈក្នុងការលះបង់ពេលវេលា និងការខិតខំប្រឹងប្រែងនឹងអាជីពរបស់ អ្នក។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Norton University, Phnom Penh
• University of Health Sciences / Université des Sciences de la Santé, Phnom Penh
• University of Puthisastra, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់សិក្សាបន្ថែមថាតើរបបអាហាររបស់អ្នកប៉ះពាល់ដល់សុខភាពរបស់អ្នកដោយរបៀបណាដែរ ឬទេ? នោះអ្នកគួរតែក្រលេកមកមើលមុខជំនាញក្នុងផ្នេកអាហារូបត្ថម្ភ និងវិទ្យាសាស្ត្រចំណីអាហារ។ ក្នុងមុខជំនាញនេះ អ្នកនឹងសិក្សាអំពីទំនាក់ទំនងរវាងការបរិភោគអាហាររបស់មនុស្ស និងសុខភាពរបស់ពួកគេ។ អ្នកនឹងសិក្សាអំពីប្រធានបទជាច្រើនទាក់ទងនឹងចំណីអាហារដូចជាលំនាំការបរិភោគ អាហារូបត្ថម្ភដែលល្អសម្រាប់សុខភាព សុវត្ថិភាពចំណីអាហារ និងមេតាបូលីសជាដើម។

បទសម្ភាសន៍ជាមួយនឹងនិស្សិតផ្នែកអាហារូបត្ថម្ភ និងវិទ្យាសាស្ត្រចំណីអាហារ

ឡាវីល (អាយុ ២១ឆ្នាំ) ជានិស្សិតឆ្នាំទី៥ នៃមហាវិទ្យាល័យវិទ្យាសាស្ត្រ និងបច្ចេកវិទ្យាអាហារ នៃវិទ្យាស្ថានបច្ចេកវិទ្យា កម្ពុជា។ ឡាវីល ជ្រើសរើសជំនាញនេះដោយសារតែគាត់ចង់ធ្វើឱ្យប្រាកដថាកសិករខ្មែរទទួលបានតម្លៃសមរម្យសម្រាប់ផលិតកម្មកសិកម្មរបស់ពួកគេ។ មុខវិជ្ជាមីក្រូជីវវិទ្យា និងគីមីចំណីអាហារគឺជាអ្វីដែលឡាវីលចូលចិត្ត ប៉ុន្តែគាត់ចូលចិត្តមុខវិជ្ជាអាហារូបត្ថម្ភ និងសុខភាពជាងគេដោយសារតែគាត់ចូលចិត្តចង់ដឹងអំពីយន្តការនៃអាហារក្នុងខ្លួនមនុស្ស។ គាត់នៅតែត្រូវការសិក្សាអំពីស្ដង់ដារសម្រាប់សុវត្ថិភាពអាហារ។ នៅពេលអនាគត គាត់ចង់ធ្វើការផ្នែកត្រួតពិនិត្យគុណភាព ឬធានាគុណភាព។

ដំបូន្មានគាត់សម្រាប់សិស្សានុសិស្សដែលចាប់អារម្មណ៍ផ្នែកនេះ៖ ត្រូវយកចិត្តទុកដាក់ជាពិសេសចំពោះមុខវិជ្ជាគណិតវិទ្យា គីមីវិទ្យា និងជីវវិទ្យា។ វិទ្យាស្ថានបច្ចេកវិទ្យាកម្ពុជាមានការប្រឡងចូល ហើយសាលារំពឹងសិស្សានុសិស្សឱ្យខ្លាំងពូកែលើមុខវិជ្ជាទាំងនេះ និងមុខវិជ្ជាតក្កវិទ្យា។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Prek Leap National College of Agriculture, Phnom Penh
• University of Kratie, Kratie

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

ការណែនាំអ្នកដទៃអំពីឱសថប្រភេទផ្សេងៗគឺមានសារៈសំខាន់ដូចឱសថខ្លួនឯងអីចឹងដែរ។ ឱសថការីដឹងលម្អិតអំពីប្រភេទថ្នាំផ្សេងៗ។ ពួកគាត់ណែនាំអ្នកប្រើប្រាស់អំពីការប្រើប្រាស់ថ្នាំឱ្យបានត្រឹមត្រូវ ផលប៉ះពាល់ និងអន្តរកម្មជាមួយនឹងថ្នាំដទៃទៀត។ តើអ្នកចាប់អារម្មណ៍អំពីសេចក្ដីលម្អិតអំពីឱសថ និងការប្រើប្រាស់ ឱសថដែរ​ ឬទេ? ហើយតើអ្នកចង់ចែករំលែកចំណេះដឹងរបស់អ្នកជាមួយអ្នកជំងឺដែរ ឬទេ? នោះជំនាញផ្នែក ឱសថអាចជាជម្រើសត្រឹមត្រូវសម្រាប់អ្នក។

បទសម្ភាសន៍ជាមួយនឹងនិស្សិតផ្នែកឱសថ

ស្រ៊ី ចាន់នាង (២៣ឆ្នាំ) ជានិស្សិតផ្នែកឱសថឆ្នាំទី ៥ នៅសាកលវិទ្យាល័យវិទ្យាសាស្ត្រសុខាភិបាល។ ជម្រើសសិក្សាផ្នែកឱសថនេះគឺជាជម្រើសផ្ទាល់ខ្លួន និងសម្រាប់អាជីពផងដែរ។ ដោយសារម្ដាយរបស់គាត់មានប្រតិកម្មថ្នាំជាច្រើន គាត់ចង់ស្វែងយល់បន្ថែមអំពីថ្នាំផ្សេងៗ និងផលប៉ះពាល់របស់វា។ ម្យ៉ាងវិញទៀតគាត់តែងតែចង់បានការងារមួយក្នុងវិស័យឱសថសាស្ត្រ ហើយគាត់គិតថាជំនាញផ្នែកឱសថផ្ដល់នូវឱកាសការងារល្អៗជាច្រើន។

គាត់គិតថាជំនាញក្នុងផ្នែកឱសថនេះគឺជាគុណតម្លៃដ៏ប្រសើរដោយសារប្រជាជនកម្ពុជាស្វែងរកជំនួយពីឱសថការីជាមុន។

មុខវិជ្ជាក្នុងផ្នែកឱសថអាចសម្បូរតម្រូវការ។ ស៊្រីត្រូវរៀន៥ ទៅ៦ ថ្ងៃក្នុងមួយសប្ដាហ៍ និង​៨ ម៉ោងក្នុងមួយថ្ងៃ។ ឱសថស្ថានគ្លីនិកគឺជាអ្វីដែលគាត់ចូលចិត្តជាងគេបំផុតក្នុងមុខជំនាញឱសថនេះ។ មុខវិជ្ជានេះបង្រៀនសិស្សនិស្សិតអំពីការប្រើប្រាស់ថ្នាំក្នុងករណីសិក្សាគ្លីនិកជាក់ស្ដែង។ ពេលខ្លះការទន្ទេញឈ្មោះជាច្រើន កម្រិតនៃការប្រើប្រាស់ថ្នាំ និងផលប៉ះពាល់នៃឱសថផ្សេងៗអាចមានការលំបាកបន្តិចសម្រាប់គាត់។

ជាមួយនឹងជំនាញក្នុងផ្នែកឱសថនេះគាត់អាចធ្វើការក្នុងវិស័យផ្សេងៗដូចជាឧស្សាហកម្មឱសថ ឱសថស្ថានសហគមន៍ មន្ទីរពិសោធន៍ ក្រុមហ៊ុនលក់ឱសថ និងឱសថស្ថាននៅតាមមន្ទីរពេទ្យជាដើម។ គាត់គិតថាមុខវិជ្ជាជីវវិទ្យា គីមីវិទ្យា និងគណិតវិទ្យាគឺជាមុខវិជ្ជាសំខាន់នៅថ្នាក់វិទ្យាល័យដើម្បីត្រៀមខ្លួនសម្រាប់មុខជំនាញឱសថនេះ។

គន្លឹះរបស់គាត់សម្រាប់អ្នក៖ នៅវិទ្យាល័យ ត្រូវផ្ដោតលើមុខវិជ្ជាដូចជាជីវវិទ្យា គណិតវិទ្យា និងគីមីវិទ្យា នោះអ្នកនឹងត្រៀមខ្លួនជាស្រេចសម្រាប់ការប្រឡងចូល។ លើសពីនេះឯកសារភាគច្រើននៅសាកលវិទ្យាល័យចងក្រងជាភាសាបារាំង នោះខ្ញុំណែនាំឱ្យអ្នកចាប់ផ្ដើមរៀនភាសានោះក្នុងឆ្នាំទីមួយនៃសាកលវិទ្យាល័យ ឬមុនពេលចូលរៀនសាកលវិទ្យាល័យ។ ពេលរៀនមុខជំនាញឱសថ ព្យាយាមរៀនជាក្រុម (៣ ទៅ៤ នាក់)។ អ្នកអាចចាប់ផ្ដើមការពិភាក្សាអំពីមុខវិជ្ជាក្នុងថ្នាក់ ឬករណីសិក្សាផ្សេងៗ។ ជាចុងក្រោយ ត្រូវយកចិត្តទុកដាក់លើទ្រឹស្ដីដេលបានបង្រៀនក្នុងថ្នាក់ និងមន្ទីរពិសោធន៍ ហើយយកចំណេះដឹងទាំងនេះមកអនុវត្តកំឡុងពេលហាត់ការ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• City University, Phnom Penh
• Norton University, Phnom Penh
• University of Health Sciences / Université des Sciences de la Santé, Phnom Penh
• University of Puthisastra, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

រាជរដ្ឋាភិបាលកម្ពុជាបានផ្ដល់ជូននូវកម្មវិធីបណ្ដុះបណ្ដាលគ្រូបង្រៀនដើម្បីក្លាយជាគ្រូកម្រិតអនុវិទ្យាល័យ។ ប្រសិនបើអ្នកចង់ចុះឈ្មោះចូលរួមក្នុងកម្មវិធីនេះ អ្នកត្រូវបំពេញលក្ខខណ្ឌមួយចំនួន។ ជាបឋម អ្នកត្រូវប្រឡងយកសញ្ញាបត្រមធ្យមសិក្សាទុតិយភូមិបន្ទាប់ពីចប់ថ្នាក់វិទ្យាល័យ។ ជំនាញនេះសាកសមសម្រាប់សិស្សនិស្សិតបញ្ចប់ការសិក្សាថ្នាក់វិទ្យាល័យដែលមានអាយុដល់ ៣៥ឆ្នាំ។ មុនពេលប្រឡង អ្នកត្រូវជ្រើសរើសមុខវិជ្ជាដែលអ្នកចង់បង្រៀន។ ហើយមុខវិជ្ជានេះនឹងមានក្នុងការប្រឡងក្រៅពីការអប់រំទូទៅភាសាខ្មែរ។ នៅពេលដែលអ្នកប្រឡងជាប់ អ្នកអាចចុះឈ្មោះចូលរៀនវគ្គបណ្ដុះបណ្ដាលគ្រូបង្រៀនបានដែលមានរយៈពេល ២ឆ្នាំ ហើយបន្ទាប់ពីនោះអ្នកនឹងអាចចាប់ផ្ដើមការងារផ្លូវការរបស់អ្នកជាគ្រូបង្រៀន។

តើអ្នកបានរកឃើញមុខជំនាញនៃក្ដីស្រមៃរបស់អ្នក ហើយអ្នកបានគិតថាចង់ក្លាយជាគ្រូបង្រៀននៅសាកលវិទ្យាល័យដែរ ឬទេ? វាអាចទៅរួចប្រសិនបើអ្នកបញ្ចប់ថ្នាក់ក្រោយឧត្តមសិក្សាដែលធ្វើឱ្យអ្នកមានសមត្ថភាពបង្រៀនវគ្គសិក្សាដែលទាក់ទងនឹងជំនាញដែលអ្នកបានជ្រើសរើស។

ជាមួយនឹងមុខជំនាញ TESOL អ្នកនឹងទទួលបានជំនាញដែលអ្នកត្រូវការដើម្បីបង្រៀនសិស្សនូវភាសាអង់គ្លេសជាភាសាទីពីរ។ កម្មវិធីសិក្សាផ្ដោតលើជំនាញទាំងឡាយដែលពាក់ព័ន្ធនឹងការសិក្សាភាសាបរទេស និងមានបំណងសម្រេចឱ្យបាននូវបទពិសោធន៍ប្រកបដោយការអនុវត្ត និងចំណេះដឹងលើផ្នែកទ្រឹស្ដី។ អ្នកនឹងសិក្សាអំពីទ្រឹស្ដីពាក់ព័ន្ធទាំងឡាយអំពីការសិក្សាភាសាបរទេស សម្ភារៈបង្រៀន ការគ្រប់គ្រងថ្នាក់រៀន និងការដោះស្រាយជាមួយនឹងសិស្សដែលមានភាពខុសៗគ្នា។

បទសម្ភាសន៍ជាមួយនឹងនិស្សិតសិក្សាជំនាញ TESOL

សេង ដានីន (អាយុ ២៤ឆ្នាំ) ជានិស្សិតទើបបញ្ចប់ការសិក្សាជំនាញការបង្រៀនភាសាអង់គ្លេសជាភាសាបរទេស (TESOL) ពីសាកលវិទ្យាល័យបញ្ញាសាស្ត្រាកម្ពុជា។ គាត់បានជ្រើសរើសជំនាញនេះដោយសារវាជាជំនាញដែលបង្រៀនភាសាអង់គ្លេស។ អ្វីដែលទាក់ទាញគាត់ឱ្យរើសយកជំនាញនេះគឺការដែលអ្នកត្រូវបានបង្រៀនជំនាញគរុកោសល្យ និងសិក្សាអំពីដំណើរការនៃការរៀនភាសា ហេតុនេះអ្នកអាចសិក្សាពីរបៀបបង្រៀនប្រកបដោយប្រសិទ្ធភាព។ សេក គីមចេង (២៣ឆ្នាំ) សិក្សាជំនាញ TESOL នៅសាកលវិទ្យាបញ្ញាសាស្ត្រាកម្ពុជាឆ្នាំទី៤។ កាលពីនៅថ្នាក់វិទ្យាល័យ គាត់ដឹងថាគាត់ពិតជាចូលចិត្តភាសាអង់គ្លេស ហើយគាត់បានបង្រៀនភាសានេះទៅកាន់ប្អូនជីដូនមួយរបស់ គាត់។ ក្រៅពីនេះ គាត់គិតថាភាសាអង់គ្លេសគឺមានសារៈសំខាន់ណាស់ក្នុងពេលបច្ចុប្បន្ន ហើយវាជាភាសាដែលធ្វើឱ្យគាត់មានជំនឿចិត្តលើខ្លួនឯង។ គោលដៅរបស់គាត់គឺចែករំលែកនូវចំណេះដឹងដែលគាត់បានសិក្សាជាមួយក្មេងៗដែលរស់នៅឆ្ងាយពីទីក្រុង ឬនៅជនបទ ហើយមានការលំបាកក្នុងការទទួលបានការអប់រំ។ អ្វីដែលទាក់ចិត្តគាត់ឱ្យជ្រើសរើសជំនាញ TESOL នេះគឺភាសាប្រព័ន្ធរបស់វា និងការដែលវាធ្វើឱ្យគាត់មានអារម្មណ៍ថាគាត់អាចធ្វើអ្វីគ្រប់យ៉ាងបានជាមួយនឹងភាសាអង់គ្លេសនេះ (ដូចជាធ្វើដំណើរជុំវិញពិភពលោក ឬបង្រៀនភាសាអង់គ្លេសនៅប្រទេសដទៃជាជាងប្រទេសកម្ពុជា!) ។ លើសពីនេះគាត់សិក្សាអំពីវិធីសាស្ត្រ និងយុទ្ធសាស្ត្រផ្សេងៗដែលគាត់អាចយកមកអនុវត្តនៅកន្លែងធ្វើការ និងជីវិតប្រចាំថ្ងៃរបស់គាត់។  គីមចេងសិក្សារយៈពេល ៣ម៉ោងក្នុងមួយថ្ងៃ ហើយត្រូវសម្រេចចិត្តឈប់ធ្វើការដោយសារតែកាលវិភាគដ៏ មមាញឹក។ គាត់មានពេលទំនេរនៅចុងសប្ដាហ៍។​ បន្ទាប់ពីបញ្ចប់ការសិក្សា គាត់ចង់ធ្វើការនៅអង្គការមិនមែន រដ្ឋាភិបាលមួយដែលអនុញ្ញាតឱ្យគាត់ចែករំលែកចំណេះដឹងរបស់គាត់ជាមួយកុមារ និងលើកទឹកចិត្តពួកគេឱ្យក្លាយជាធនធានមនុស្សល្អក្នុងសង្គម។

គន្លឹះរបស់គាត់សម្រាប់អ្នក? ខិតខំសិក្សា ស្ដាប់ដំបូន្មានគ្រូ និងត្រូវច្បាស់ក្នុងចិត្តថាមូលហេតុដែលអ្នកជ្រើសរើសយកជំនាញនេះដោយសារតែអ្នកពិតចូលចិត្តវាខ្លាំង។ សូមធ្វើតាមចិត្តរបស់អ្នក មិនមែនតាមគំនិតគ្រួសារ ឬមិត្តភក្ដិរបស់អ្នកទេ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Build Bright University Phnom Penh, Phnom Penh
• Dewey International University, Battambang
• Human Resource University, Phnom Penh
• IIC University of Technology, Phnom Penh
• International University, Phnom Penh
• Khmer University of Technology and Management, Sihanoukville
• Panha Chiet University, Phnom Penh
• Paññāsāstra University of Cambodia, Phnom Penh
• Royal University of Phnom Penh, Phnom Penh
• University of Management and Economics, Battambang
• University of Southeast Asia, Siem Reap
• Western University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់ធ្វើការក្នុងវិស័យអប់រំ ប៉ុន្តែមិនចាំបាច់ធ្វើជាគ្រូបង្រៀននៅសាលារដ្ឋដែរ ឬទេ? នោះមុខជំនាញការសិក្សាការអប់រំអាចជាជម្រើសដ៏ប្រសើរសម្រាប់អ្នក។ វានឹងបង្រៀនអ្នកពីរាល់កិច្ចការទាក់ទងនឹងមូលដ្ឋានគ្រឹះក្នុងការបង្រៀន ចិត្តសាស្ត្រនៃការអប់រំ និងភាពចម្រុះនៃថ្នាក់រៀនផងដែរ។ អ្នកនឹងសិក្សាអំពីតួនាទីនៃការអប់រំក្នុងបរិបទផ្សេងៗ (សង្គម សេដ្ឋកិច្ច និងនយោបាយ) និងរបៀបដោះស្រាយជាមួយនឹងបញ្ហាប្រឈមដែលកើតមានឡើងក្នុងវិស័យអប់រំ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• National University of Battambang, Battambang
• Royal University of Phnom Penh, Phnom Penh
• University of Cambodia, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកនៅស្ទាក់ស្ទើរថាតើក្រុមគោលដៅណាមួយដែលអ្នកចង់ធ្វើការជាមួយ និងចង់កសាងមូលដ្ឋានគ្រឹះមែនដែរ ឬទេ? មុខជំនាញការសិក្សាផ្នែកគរុកោសល្យផ្ដោតលើការអភិវឌ្ឍមនុស្សរាល់ក្រុមអាយុ។ មុខជំនាញនេះមិនផ្ដោតលើការក្លាយជាគ្រូបង្រៀនឡើយ ប៉ុន្តែអ្នកអាចសិក្សាអំពីរបៀបគាំទ្រកុមារ និងក្មេងៗក្នុងការអភិវឌ្ឍការសិក្សារបស់ពួកគេ និងផ្ដល់នូវចំណេះដឹងដូចជាជំនាញសង្គម និងការសហការគ្នាជាដើម។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Cambodian University for Specialities, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចូលចិត្តផ្ដោតលើការអភិវឌ្ឍការសិក្សារបស់សហគមន៍ដើម្បីធ្វើឱ្យគុណភាពជីវិតរបស់ពួកគេកាន់តែប្រសើរដែរ ឬទេ? តើអ្នកចង់ផ្សព្វផ្សាយការរៀនពេញមួយជីវិតតាមរយៈសកម្មភាពដូចជាសារមន្ទីរ រោងមហោស្រព និងមជ្ឈមណ្ឌលកីឡាដែរ ឬទេ? ក្រៅពីផ្នែកអប់រំ ជំនាញនេះក៏មានទិដ្ឋភាពសង្គមខ្លាំងផងដែរ។ វគ្គសិក្សាក្នុងជំនាញនេះផ្ដោតលើទាំងទិដ្ឋភាពសង្គម និងវិទ្យាសាស្ត្រសង្គម។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Dewey International University, Battambang

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចាប់អារម្មណ៍នឹងការអភិវឌ្ឍកុមារតូច ហើយចង់ធ្វើការជាមួយកុមារនៅពេលអនាគតដែរ ឬទេ? ឧទាហរណ៍ធ្វើជាគ្រូមត្តេយ្យ ឬអ្នកមើលថែកុមារតូចជាដើម។ នោះជំនាញការអប់រំកុមារតូចគឺជាជម្រើសដ៏សាកសមសម្រាប់អ្នក។ ជំនាញនេះរួមមានមុខវិជ្ជាដូចជាការអភិវឌ្ឍសង្គម និងសតិបញ្ញា ការសិក្សាអំពីគ្រួសារ និងជំនាញបង្រៀន។ បន្ទាប់ពីបញ្ចប់ការសិក្សា អ្នកនឹងដឹងថាតើកត្តាណាខ្លះដែលជះឥទ្ធិពលលើការអភិវឌ្ឍរបស់កុមារតូច ហើយអ្នកនឹងត្រៀមខ្លួនជាស្រេចក្នុងការណែនាំពួកគេតាមរយៈការអប់រំរបស់ពួកគេ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Life University, Sihanoukville
• Paññāsāstra University of Cambodia, Phnom Penh
• Phnom Penh International Institute of the Arts, Phnom Penh
• University of Southeast Asia, Siem Reap

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់រួមបញ្ចូលការស្រឡាញ់របស់អ្នកសម្រាប់ទេសភាពខាងក្រៅជាមួយនឹងការស្រឡាញ់ការរចនា និងរៀបផែនការដែរ ឬទេ?នោះអ្នកគួរងាកមកមើលជំនាញផ្នែករចនាទេសភាព។ អ្នកនឹងសិក្សាអំពីរបៀបរចនាទេសភាពប្រកបដោយប្រសិទ្ធភាពខណៈពេលដែលពិចារណាអំពីកត្តាបរិស្ថាន វប្បធម៌ និងសេដ្ឋកិច្ចផងដែរ។ ឧទាហរណ៍នៃទេសភាពដែលអ្នកនឹងសិក្សាដើម្បីធ្វើការរចនារួមមានសួនច្បារ និងតំបន់អភិរក្សធម្មជាតិ
ជាដើម។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Norton University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកកំពុងស្វែងរកមុខវិជ្ជាទូលំទូលាយសម្រាប់សិក្សាដែលពាក់ព័ន្ធនឹងបរិស្ថានធម្មជាតិ បរិស្ថានសម្បនិម្មិត មនុស្សដែលរស់នៅក្នុងបរិស្ថានទាំងនេះ និងផលប៉ះពាល់ដែលកើតមានឡើងដែរ ឬទេ? នោះជំនាញការសិក្សាបរិស្ថានគឺត្រឹមត្រូវសម្រាប់អ្នក។ មុខជំនាញនេះប្រើប្រាស់គោលការណ៍ពីវិទ្យាសាស្ត្ររូបវិទ្យា សង្គមវិទ្យា និងសេដ្ឋកិច្ចដើម្បីកំណត់បញ្ហាបរិស្ថានដែលស្មុគស្មាញ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• City University, Phnom Penh
• Dewey International University, Battambang
• IIC University of Technology, Phnom Penh
• Paññāsāstra University of Cambodia, Phnom Penh
• Royal University of Phnom Penh, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចូលចិត្តមុខវិជ្ជាជីវវិទ្យាដែរ ឬទេ? មុខជំនាញការសិក្សាផ្នែកកសិកម្មផ្ដោតលើការផ្លាស់ប្ដូរបរិស្ថានដើម្បីដាំដុះរុក្ខជាតិ និងបង្កាត់សត្វសម្រាប់តម្រូវការរបស់មនុស្សជាតិ។ ក្នុងជំនាញកសិកម្មមានមុខវិជ្ជាដូចជា
ធារាសាស្ត្រ ការបង្កាត់រុក្ខជាតិ ផលប៉ះពាល់នៃការបំផ្លាញរបស់សត្វល្អិតលើរុក្ខជាតិ និងសត្វ និងរោគសត្វ
រុក្ខជាតិជាដើម។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Build Bright University Phnom Penh, Phnom Penh
• City University, Phnom Penh
• International University, Phnom Penh
• Mean Chey University, Banteay Meanchey
• Prek Leap National College of Agriculture, Phnom Penh
• Royal University of Agriculture, Phnom Penh
• Saint Paul Institute, Takeo
• University of Kratie, Kratie

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកមានការរំភើបដោយសូត្រដែរ ឬទេ? តើអ្នកចង់ស្វែងយល់ឱ្យកាន់តែស៊ីជម្រៅក្នុងពិភពកសិដ្ឋានសូត្រដែរ ឬទេ? ជំនាញក្នុងផ្នែកសិក្សាកសិកម្មសូត្រផ្ដោតលើទិដ្ឋិទាំងឡាយនៃការផលិតសូត្រដូចជាដង្កូវនាង ដូងរបស់វា ម៉ាស៊ីនទំនើប និងឥទ្ធិពលនៃសត្វល្អិតជាដើម។

សាកលវិទ្យាល័យខាងក្រោមមានបង្រៀនមុខជំនាញនេះ៖

• International University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

ប្រសិនបើអ្នកកំពុងស្វែងរកទស្សនៈវិស័យផ្សេងៗនៃបញ្ហាបរិស្ថាន និងនិរន្តរភាព អ្នកអាចពិនិត្យមើលមុខជំនាញការអភិវឌ្ឍ និងការគ្រប់គ្រងធនធានធម្មជាតិបាន។ ជំនាញនេះផ្ដោតលើការប្រើប្រាស់ធនធានធម្មជាតិប្រកបដោយនិរន្តរភាពដោយគិតអំពីផ្នែកសេដ្ឋកិច្ច សង្គម និងជីវសាស្ត្រនៃការគ្រប់គ្រងធនធានធម្មជាតិ។ ឧទាហរណ៍ អ្នកនឹងសិក្សាអំពីរបៀបថែរក្សាការពារ និងអភិរក្សជីវចម្រុះ និងរក្សាទំនាក់ទំនងល្អជាមួយនឹងភាគីពាក់ព័ន្ធនានា។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Chea Sim University of Kamchaymear, Kamchaymear
• Royal University of Phnom Penh, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកមានចំណាប់អារម្មណ៍អំពីដំណាំ ហើយចង់សិក្សាបន្ថែមអំពីប្រភេទដីដែលដាំដុះវាដែរ ឬទេ? នោះជំនាញកសិកម្មអាចជាជម្រើសដ៏ត្រឹមត្រូវសម្រាប់អ្នក។ ជំនាញនេះនឹងបង្រៀនអ្នកបន្ថែមអំពីរបៀបប្រើប្រាស់ដីដើម្បីបង្កើនទិន្នផលអាហារ។ ប្រធានបទដូចជាធារាសាស្ត្រ ការផ្លាស់ប្ដូរដំណាំ និងការគ្រប់គ្រងស្មៅគឺជាផ្នែកនៃកម្មវិធីសិក្សារបស់ជំនាញនេះ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Angkor University, Siem Reap
• Chea Sim University of Kamchaymear, Kamchaymear
• City University, Phnom Penh
• Mean Chey University, Banteay Meanchey
• Prek Leap National College of Agriculture, Phnom Penh
• Royal University of Agriculture, Phnom Penh
• Svay Rieng University, Svay Rieng
• University of Management and Economics, Battambang

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់សិក្សាបន្ថែមអំពីសារពាង្គកាយដែលមានជីវិតដែរ ឬទេ? នោះជំនាញជីវវិទ្យាគឺជាជម្រើសដ៏សាកសមសម្រាប់អ្នក។ អ្នកនឹងសិក្សាអំពីប្រវត្តិនៃជីវិតសត្វ និងរុក្ខជាតិ និងលក្ខណៈ មុខងារ ដំណើរការ និងទម្លាប់របស់ពួកវាផងដែរ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Cambodian University for Specialities, Phnom Penh
• Chea Sim University of Kamchaymear, Kamchaymear
• City University, Phnom Penh
• International University, Phnom Penh
• Khmer University of Technology and Management, Sihanoukville
• Royal University of Phnom Penh, Phnom Penh
• University of Health Sciences / Université des Sciences de la Santé, Phnom Penh
• Western University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

ប្រសិនបើអ្នកចង់ដឹងអំពីប្រភេទព្រៃ ដើមឈើ និងជីវិតសត្វព្រៃនោះជំនាញក្នុងវិស័យព្រៃឈើអាចជាជម្រើសសម្រាប់អ្នក។ អ្នកនឹងសិក្សាអំពីរបៀបថែរក្សា និងអភិរក្សព្រៃឈើ របៀបការពារភ្លើងឆេះព្រៃ និងរបៀបថែរក្សាជីវិតសត្វព្រៃក្នុងបរិស្ថានព្រៃឈើផ្សេងៗ។ អ្នកនឹងក្រលេកមកមើលទស្សនៈទាំងនេះដោយពិចារណាអំពីផលប៉ះពាល់នៃបរិស្ថាន សេដ្ឋកិច្ច និងការកែច្នៃឡើងវិញជាដើម។

បទសម្ភាសន៍ជាមួយនិស្សិតផ្នែកព្រៃឈើ

ស៊ាលី (អាយុ ២៤ឆ្នាំ) ជានិស្សិតឆ្នាំទី ២ ជំនាញព្រៃឈើនៅសាកលវិទ្យាល័យភូមិន្ទកសិកម្ម។ គាត់ជ្រើសរើសជំនាញនេះដោយសារគាត់ស្រឡាញ់ធនធានធម្មជាតិ ព្រៃឈើ ស្រឡាញ់ការដាំដុះ និងចង់ធ្វើការស្រាវជ្រាវក្នុងវិស័យនេះ និងក្លាយជាអ្នកជំនាញក្នុងការងារទាក់ទងផ្នែកព្រៃឈើ។ អ្វីដែលគាត់ចូលចិត្តអំពីមុខជំនាញនេះគឺការដែលគាត់ធ្វើការផ្ទាល់នៅក្នុងតំបន់ព្រៃ និងសិក្សាអំពីការគ្រប់គ្រងធនធានធម្មជាតិ និងរុក្ខជាតិ និងបរិស្ថាន។ លើសពីនេះ គាត់ទទួលបានចំណេះដឹងអំពីរុក្ខជាតិ និងការដាំដំណាំ និងការមើលថែរុក្ខជាតិ និងព្រៃឈើ។ មុខវិជ្ជាចំណូលចិត្តរបស់គាត់គឺការសិក្សាអំពីរុក្ខជាតិ ដោយសារគាត់បានរៀនអំពីអ្វីៗគ្រប់យ៉ាងដែលទាក់ទងនឹងរុក្ខជាតិដូចជាឈ្មោះ រាងមែក និងស្លឹកជាដើម។ លី បន្ថែមថាគាត់ត្រូវសិក្សា៥ថ្ងៃក្នុងមួយសប្ដាហ៍ពីម៉ោង ៨ ដល់ម៉ោង ១២ ប៉ុន្តែគាត់ចូលចិត្ត។ នៅពេលអនាគត លី សង្ឃឹមថានឹងបានធ្វើការជាមន្ត្រីរាជការម្នាក់ ឧទាហរណ៍អាចជាអ្នកអភិរក្សនៃក្រសួងបរិស្ថាន ឬជា មេព្រៃនៃរដ្ឋបាលព្រៃឈើ ប៉ុន្តែវាមានជម្រើសច្រើនជាងនេះ។ គាត់ក៏ចង់បើកអាជីវកម្មផ្ទាល់ខ្លួន និងលក់រុក្ខជាតិសម្រាប់តុបតែងផងដែរ។

ដំបូន្មានរបស់គាត់សម្រាប់សិស្សវិទ្យាល័យដែលមានចំណាប់អារម្មណ៍ផ្នែកនេះ៖ យកចិត្តទុកដាក់ជាពិសេសលើមុខវិជ្ជាដូចជាជីវវិទ្យា ភូមិវិទ្យា និងគីមីវិទ្យា។ ភាសាអង់គ្លេស និងជំនាញកុំព្យូទ័រគឺមានសារៈសំខាន់សម្រាប់ការស្រាវជ្រាវក្នុងវិស័យនេះ ហើយអ្នកត្រូវតែអាចទំនាក់ទំនងជាមួយអ្នកដទៃផងដែរ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• City University, Phnom Penh
• International University, Phnom Penh
• Prek Leap National College of Agriculture, Phnom Penh
• Royal University of Agriculture, Phnom Penh
• University of Management and Economics, Battambang

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

ប្រសិនបើអ្នកចង់សិក្សាបន្ថែមអំពីសរីរាង្គកោសិកាតែមួយ អ្នកអាចក្រលែកមើលជំនាញមីក្រូជីវសាស្ត្រ។ អ្នកនឹងសិក្សាអំពីជីវវិទ្យាកោសិកា និងហ្សែនមីក្រូជីវសាស្រ្ត។ លើសពីនេះអ្នកនឹងប្រើប្រាស់មីក្រូទស្សន៍ជាប្រចាំដើម្បីធ្វើការស្រាវជ្រាវ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• International University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចាប់អារម្មណ៍លើការចិញ្ចឹមត្រី និងជីវសមុទ្រដែរ ឬទេ? តើអ្នកចង់សិក្សាបន្ថែមអំពីការបង្កាត់ពូជសត្វ និងរុក្ខជាតិអាស្រ័យនឹងទឹកដែរ ឬទេ? មុខជំនាញផ្នែកវារីវប្បកម្មនឹងបង្រៀនអ្នកបន្ថែមអំពីការប្រមូលផល និងការធ្វើទីផ្សារត្រី ខ្យង និងរុក្ខជាតិសមុទ្រដោយមាននិរន្តរភាព។

សាកលវិទ្យាល័យខាងក្រោមមានបង្រៀនមុខជំនាញនេះ៖

• City University, Phnom Penh
• Prek Leap National College of Agriculture, Phnom Penh
• Royal University of Agriculture, Phnom Penh
• University of Kratie, Kratie
• University of Management and Economics, Battambang

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់សិក្សាបន្ថែមអំពីភាពជឿនលឿននៃដំណាំកៅស៊ូ និងចង់ឃើញខ្លួនអ្នកធ្វើការនៅក្នុងវិស័យ
ឧស្សាហកម្មផលិតកៅស៊ូ ឬសម្បកកង់ដែរ ឬទេ? នោះជំនាញក្នុងវិទ្យាសាស្ត្រដំណាំកៅស៊ូអាចជាជម្រើសដ៏ត្រឹមត្រូវសម្រាប់អ្នក។ មុខជំនាញនេះនឹងបង្រៀនអ្នកបន្ថែមអំពីការសិក្សាស្រាវជ្រាវលើដំណាំកៅស៊ូ វិទ្យាសាស្ត្រកុំព្យូទ័រ និងការកែច្នៃប្រើឡើងវិញនៃដំណាំកៅស៊ូ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Royal University of Agriculture, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

ប្រសិនបើអ្នកចង់សិក្សាអំពីសត្វជាទូទៅ របៀបបង្កាត់ពូជសត្វផ្សេងៗ និងរបៀបថែទាំពួកវា នោះមុខជំនាញផ្នែកវិទ្យាសាស្ត្រសត្វអាចជាជម្រើសសម្រាប់អ្នក។ អ្នកនឹងសិក្សាអំពីរបៀបគ្រប់គ្រងគ្រប់ប្រភេទសត្វ ខណៈពេលដែលចាំទុកថាអាចមានផលប៉ះពាល់ផ្នែកអេកូឡូស៊ី សង្គម និងសេដ្ឋកិច្ចអ្វីខ្លះ។ ក្រៅពីនេះអ្នកនឹងសិក្សាអំពីហ្សែន និងកាយវិភាគសាស្ត្រនៃសត្វដើមហបីសម្រួលដល់ការបង្កាត់ពូជឱ្យមានប្រសិទ្ធភាព។

បទសម្ភាសន៍ជាមួយនឹងនិស្សិតផ្នែកវិទ្យាសាស្ត្រសត្វ

ឌឿន ហន (អាយុ ២៣ឆ្នាំ) សិក្សាជំនាញវិទ្យាសាស្ត្រសត្វនៅសាកលវិទ្យាល័យភូមិន្ទកសិកម្ម គាត់កំពុងសិក្សាឆ្នាំទី២។ ហនជ្រើសរើសជំនាញនេះដោយសារគាត់ស្រឡាញ់ការចិញ្ចឹមសត្វ។ ពេលដែលគាត់រស់នៅជនបទ គាត់បានចិញ្ចឹមសត្វដើម្បីរកប្រាក់ចំណូលដើម្បីផ្គត់ផ្គង់ការសិក្សារបស់គាត់ ហើយគាត់សន្មត់ថាជំនាញនេះនឹងផ្ដល់ចំណេះដឹងបន្ថែមដល់ គាត់។ គាត់ស្រឡាញ់សត្វ ហើយស្គាល់អំពីអាកប្បកិរិយាពីធម្មជាតិរបស់ពួកវាថែមទៀតផង។ ដូច្នេះហើយទើបគាត់ដឹងច្បាស់ថា នេះគឺជាជំនាញដ៏ត្រឹមត្រូវសម្រាប់គាត់។

មុខវិជ្ជាដែលគាត់ចូលចិត្តជាងគេគឺការសិក្សាអំពីសត្វទំពារអៀង។ មុខវិជ្ជានេះផ្តោតសំខាន់លើការរឱ្យចំណីសត្វ របៀបដែលពួកវារស់នៅ ប្រភេទសត្វណាខ្លះដែលជាពពួកសត្វទំពារអៀង និងរបៀបដែលរាងកាយរបស់ពួកវាប្រតិបតិ្តការ។

បន្ទុកការងារគឺមធ្យម ដោយសិក្សា ៥ថ្ងៃក្នុងមួយសប្ដាហ៍ និង ៤ម៉ោងក្នុងមួយថ្ងៃ។ សប្ដាហ៍ខ្លះនិស្សិតត្រូវធ្វើការពិសោធន៍ ហើយសប្ដាហ៍ខ្លះទៀតពួកគេត្រូវមើលថែសត្វដើម្បីដកពិសោធន៍ដោយខ្លួនឯង។ ហន កំពុងសិក្សាបណ្ដើរ ធ្វើការបណ្ដើរដើម្បីសន្សំប្រាក់។ ពេលដែលគាត់បញ្ចប់ការសិក្សា គាត់ចង់បើកកសិដ្ឋានផ្ទាល់ខ្លួនតូចមួយ។

ដំបូន្មានរបស់គាត់សម្រាប់សិស្សានុសិស្សដែលចាប់អារម្មណ៍នឹងមុខជំនាញនេះគឺត្រូវធ្វើចេញពីការស្រឡាញ់។ មុខជំនាញនេះមានទីផ្សារទូលំទូលាយសម្រាប់អ្នកដើម្បីរកការងារ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Chea Sim University of Kamchaymear, Kamchaymear
• City University, Phnom Penh
• Prek Leap National College of Agriculture, Phnom Penh
• Royal University of Agriculture, Phnom Penh
• Svay Rieng University, Svay Rieng
• University of Kratie, Kratie

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចាប់អារម្មណ៍ក្នុងការប្រើប្រាស់បច្ចេកវិទ្យាក្នុងជំនាញជីវវិទ្យាដែរ ឬទេ? នោះជំនាញវិស្វកម្មជីវសាស្ត្រអាចជាជម្រើសល្អបំផុតសម្រាប់អ្នក។ មុខជំនាញនេះផ្ដោតលើការប្រើប្រាស់វិធីសាស្ត្របច្ចេកវិទ្យាដើម្បីដោះស្រាយសំណួរអំពីវេជ្ជសាស្ត្រជីវវិទ្យា។ មុខជំនាញនេះរួមបញ្ចូលវិធីសាស្ត្រស្រាវជ្រាវផ្សេងៗពីផ្នែកដទៃរូមទាំងរូបវិទ្យា គីមីវិទ្យា គណិតវិទ្យា វិស្វកម្ម (អគ្គិសនី) ព័ត៌មានវិទ្យា និងជីវវិទ្យា។

បទសម្ភាសន៍ជាមួយនឹងនិស្សិតផ្នែកវិស្វកម្មជីវសាស្ត្រ

ជឿន កុសិន (អាយុ ២១ឆ្នាំ) ជានិស្សិតឆ្នាំទី៣ជំនាញវិស្វកម្មជីវសាស្ត្រនៃសាកលវិទ្យាល័យភូមិន្ទភ្នំពេញ។ គាត់ជ្រើសរើសជំនាញនេះដោយសារតែមុខវិជ្ជាចំណូលចិត្តរបស់គាត់នៅថ្នាក់វិទ្យាល័យគឺជីវវិទ្យា និងគីមីវិទ្យា ហើយជំនាញនេះគឺទាក់ទងនឹងមុខវិជ្ជាទាំងនេះខ្លាំង។ មានវិស័យជាច្រើនដែលពាក់ព័ន្ធនឹងជំនាញនេះរួមមានដូចជាវិស័យបច្ចេកវិទ្យាអាហារ វិស័យវេជ្ជសាស្ត្រ វិស័យ គ្រឿងសំអាង និងផ្សេងៗទៀត។ អ្វីដែលកុសិនចូលចិត្តអំពីមុខជំនាញនេះគឺការអនុវត្តមន្ទីរពិសោធន៍ និងការចុះកម្មសិក្សាការស្រាវជ្រាវ ហើយគាត់ចូលចិត្តការងារក្រុមដែលធ្វើជាមួយគ្នា។ គាត់ត្រូវការពេល ៦ថ្ងៃក្នុងមួយសប្ដាហ៍សម្រាប់កិច្ចការសាលាដែលគាត់ត្រូវធ្វើ និងធ្វើការស្រាវជ្រាវ។ គាត់មិនអាចធ្វើការងារក្រៅម៉ោងបានទេពេលកំពុងសិក្សាជំនាញនេះដោយសារគាត់ត្រូវរៀនពីព្រឹកដល់ល្ងាច។ នៅពេលអនាគត កុសិន សង្ឃឹមថានឹងបម្រើការងារនៅក្នុងឧស្សាហកម្មចំណីអាហារ និងបើកអាជីវកម្មដែលទាក់ទងនឹងជំនាញរបស់គាត់។

ដំបូន្មានរបស់គាត់ប្រសិនបើអ្នកចាប់អារម្មណ៍ជំនាញនេះ៖ អ្នកត្រូវការមុខវិជ្ជាវិទ្យាល័យដូចជាគីមីវិទ្យា ជីវវិទ្យា គណិតវិទ្យា និងរូបវិទ្យា។ អ្នកក៏ត្រូវតែមានការប្ដេជ្ញាចិត្ត និងប្រាកដថាអ្នកអាចដោះស្រាយបញ្ហានានាបាន។

សាកលវិទ្យាល័យខាងក្រោមមានបង្រៀនមុខជំនាញនេះ៖

• City University, Phnom Penh
• Royal University of Phnom Penh, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកមានចំណូលចិត្តទាំងផ្នែកបរិស្ថាន និងបច្ចេកវិទ្យាដែរ ឬទេ? នោះជំនាញផ្នែកវិស្វកម្មអេកូឡូស៊ី ភូមិសាស្ត្របច្ចេកទេស និងបរិស្ថានអាចជាជម្រើសសម្រាប់អ្នក។ នៅក្នុងជំនាញនេះអ្នកនឹងសិក្សាពីរបៀបបញ្ចូលគោលការណ៍នៃវិស្វកម្ម គីមីវិទ្យា ជីវវិទ្យា និងរូបវិទ្យាដើម្បីទប់ស្កាត់ជាមួយនឹងបញ្ហាបរិស្ថាន និងផ្សព្វផ្សាយការអភិវឌ្ឍប្រកបដោយចីរភាព។ ឧទាហរណ៍ ក្នុងមុខជំនាញរ៉ែ និងអាជីវកម្ម អ្នកនឹងធ្វើការស្រាវជ្រាវលើការអនុវត្តប្រកបដោយចីរភាពក្នុងវិស័យនេះ និងបង្កើតវិធីធ្វើការថ្មីៗ។

បទសម្ភាសន៍ជាមួយនឹងនិស្សិតផ្នែកវិស្វកម្មអេកូឡូស៊ី ភូមិសាស្ត្របច្ចេកទេស និងបរិស្ថាន

ចក់ វុទ្ធីជានិស្សិតឆ្នាំទី ៥ជំនាញវិស្វកម្មទឹក និងបរិស្ថាននៅវិទ្យាស្ថានបច្ចេកវិទ្យាកម្ពុជានៅរាជធានីភ្នំពេញ។ ជាទូទៅគាត់ចាប់អារម្មណ៍ផ្នែកបរិស្ថាន ហេតុនេះហើយបានជាគាត់ចុះឈ្មោះរៀនជំនាញនេះ។ គាត់ចូលចិត្តការដែលជំនាញនេះផ្ដោតលើគុណភាពទឹក ផលប៉ះពាល់បរិស្ថាន និងសំណង់រឹង។ មុខវិជ្ជាដែលគាត់ចូលចិត្តនោះគឺមុខវិជ្ជាអំពីប្រព័ន្ធបង្ហូរទឹកក្នុងទីក្រុង។ គាត់ចំណាយពេលរៀនប្រហែល ៣២ម៉ោងក្នុងមួយសប្ដាហ៍។ បន្ទាប់ពីបញ្ចប់ការសិក្សា គាត់ចង់ធ្វើការងារដែលគាត់អាចធ្វើការពិនិត្យមើលគុណភាពទឹកក្នុងទឹកដើម្បីធ្វើឱ្យប្រព័ន្ធធារាសាស្ត្រកាន់តែប្រសើរឡើង។

តើអ្នកចាប់អារម្មណ៍ជំនាញស្រដៀងទៅនឹងវិស្វកម្មបរិស្ថាន ភូមិសាស្ត្របច្ចេកទេស និងអេកូឡូស៊ីដែរ ឬទេ? វុទ្ធីនិយាយថាអ្នកគួរតែចូលចិត្តមុខវិជ្ជាដូចជាគណិតវិទ្យា រូបវិទ្យា និងគីមីវិទ្យានៅថ្នាក់វិទ្យាល័យ។ ទាំងនេះគឺជាមុខវិជ្ជាដែលអ្នកអាចយកមកអនុវត្តសម្រាប់ជំនាញនេះ។

បទសម្ភាសន៍ជាមួយនិស្សិតបញ្ចប់ការសិក្សាផ្នែកវិស្វកម្មអេកូឡូស៊ី ភូមិសាស្ត្រ និងបរិស្ថាន

សុផុន (អាយុ ២៣ឆ្នាំ) ទើបតែបញ្ចប់ការសិក្សាថ្មីៗពីវិទ្យាសា្ថនបច្ចេកវិទ្យាកម្ពុជា  យបានបញ្ចប់មុខជំនាញវិស្វកម្ម​ឯកទេសខាងធនធានទឹក និងហេដ្ឋារចនាសម្ព័ន្ធជនបទ។ ងលើសុផុនជំនាញនេះកំពុងត្រូវការខ្លាំង និងមានការប្រកួតប្រជែងលក្ខណៈអន្តរជាតិ។ អ្វីដែលសុផុនចូលចិត្តជាងគេនោះអំពីជំនាញនេះគឺការសិក្សាអំពីប្រព័ន្ធជលសាស្ត្រ ការ ដោះស្រាយបញ្ហាទឹកផ្សេងៗ និងប្រព័ន្ធធារាសាស្ត្រ។ សុផុនក៏ចូលចិត្តការសិក្សាអំពីប្រព័ន្ធអាងស្តុកទឹកភ្លៀង។ មុខជំនាញនេះគឺលើសពីការរំពឹងទុករបស់សុផុនដោយសារតែ សុផុនបានទទួលនូវអាហារូបករណ៍ទៅបន្តថ្នាក់អនុបណ្ឌិតនៅបរទេស។ ផែនការការងាររបស់សុផុន៖ ដោះស្រាយបញ្ហាទឹកក្នុងទីក្រុង។

សុផុនណែនាំទៅកាន់សិស្សានុសិស្សដែលមានចំណាប់អារម្មណ៍លើមុខជំនាញនេះឱ្យផ្ដោតសំខាន់លើមុខវិជ្ជានៅថ្នាក់វិទ្យាល័យដូចជាវិទ្យាសាស្ត្រ គណិតវិទ្យា និងរូបវិទ្យា។ ភាសាអង់គ្លេសក៏មានសារៈសំខាន់ដែរព្រោះឯកសារភាគច្រើនជាភាសាអង់គ្លេស។ ជាមួយនឹងមុខវិជ្ជាទាំងនេះអ្នកអាចជ្រើសរើសជំនាញវិស្វកម្មណាមួយក៏បាន ហើយជំនាញទាំងនេះគឺកំពុងតែត្រូវការក្នុងប្រទេសកម្ពុជា។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Institute of Technology, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

មុខជំនាញក្នុងផ្នែកសាកវប្បកម្មមានលើសពីការដាំដុះដំណាំសម្រាប់អាហារ។ មុខជំនាញនេះក៏ផ្ដោតលើការដាំដើមឈើ ផ្កា និងបន្លែសម្រាប់ការកម្សាន្ត និងដើម្បីគោលបំណងវេជ្ជសាស្ត្រផងដែរ។ ការសិក្សាសាកវប្បកម្មក៏សម្រាប់សិស្សនិស្សិតដែលចង់ក្លាយខ្លួនជាអ្នកមានភាពច្នៃប្រឌិតជាងនេះ និងសិក្សាបន្ថែមអំពីការរចនាទេសភាពផងដែរ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• International University, Phnom Penh
• Prek Leap National College of Agriculture, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់ថែទាំសុខភាពសត្វដោយធ្វើការវិនិច្ឆ័យ និងព្យាបាលជំងឺរបស់ពួកវាដែរ ឬទេ? នោះជំនាញផ្នែក
ឱសថសាស្ត្របសុពេទ្យគឺជាជម្រើសដ៏ត្រឹមត្រូវសម្រាប់អ្នក។ អ្នកនឹងសិក្សាអំពីកាយវិភាគសាស្ត្រ និងដំណើរការជីវសាស្ត្រដែលកើតមានឡើងក្នុងសត្វដែលមានសុខភាពល្អ។ លើសពីនេះអ្នកនឹងសិក្សាអំពីភាពមិនប្រក្រតីជំងឺ និងរបួសផ្សេងៗគ្នារបស់សត្វ និងសិក្សាអំពីរបៀបវិនិច្ឆ័យ និងព្យាបាលជំងឺទាំងនោះ។

បទសម្ភាសន៍ជាមួយនឹងនិស្សិតផ្នែកឱសថសាស្ត្របសុពេទ្យ

ឈឿង សម្ផស្ស (អាយុ ២១ឆ្នាំ) កំពុងសិក្សាផ្នែកឱសថសាស្ត្របសុពេទ្យនៅសាកលវិទ្យាល័យភូមិន្ទកសិកម្ម។ សម្ផស្សជ្រើសរើសជំនាញនេះដោយសារគាត់ចង់ជួយឱ្យវិស័យកសិកម្មក្នុងប្រទេសកម្ពុជាមានការរីកចម្រើន ជាពិសេសក្នុងផ្នែកជំងឺសត្វ និងការផ្គត់ផ្គង់សត្វ។ បន្ទុកការងារគឺមធ្យម ប្រហែល១០ម៉ោងក្នុងមួយសប្ដាហ៍លើការសិក្សា។ ក្រោយបញ្ចប់ការសិក្សា សម្ផស្សចង់មានកសិដ្ឋាន និងគ្លីនិកផ្ទាល់ខ្លួន។

សាកលវិទ្យាល័យខាងក្រោមមានបង្រៀនមុខជំនាញនេះ៖

• International University, Phnom Penh
• Mean Chey University, Banteay Meanchey
• National University of Battambang, Battambang
• Prek Leap National College of Agriculture, Phnom Penh
• Royal University of Agriculture, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់ធ្វើការលើគម្រោងសាងសង់អន្តរជាតិធំៗដែរ ឬទេ? នោះជំនាញក្នុងការគ្រប់គ្រងំណង់ និងវិស្វកម្មអាចជាជម្រើសដ៏ត្រឹមត្រូវសម្រាប់អ្នក។ អ្នកនឹងសិក្សាពីរបៀបគ្រប់គ្រងគម្រោងសំណង់ប្រកបដោយប្រសិទ្ធភាពដើម្បីសាកសមនឹងថវិកា ក៏ដូចជាកាលដែលបានកំណត់។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Beltei International University, Phnom Penh
• Limkokwing University of Creative Technology, Phnom Penh
• Paragon International University, Phnom Penh
• PSE (Pour un Sourire d’Enfant), Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

ការរៀបចំទីក្រុងរួមមានដំណើរការនៃការបង្កើត និងរចនាតំបន់ក្នុងទីក្រុង។ ពេលសិក្សាជំនាញនេះ អ្នកនឹងសិក្សាអំពីរបៀបធ្វើការផែនការ រចនា និងសាងសង់ទីក្រុងប្រកបដោយប្រសិទ្ធភាព ដោយពិចារណាលើទម្រង់រូបវ័ន្ត ដំណើរការសេដ្ឋកិច្ច និងផលប៉ះពាល់សង្គមនៃបរិស្ថានទីក្រុង។

បទសម្ភាសន៍ជាមួយនិស្សិតផ្នែករៀបចំនគរូបនីយកម្ម

ណារ៉ូ (អាយុ ២៩ឆ្នាំ) សម្រេចចិត្តបន្តថ្នាក់អនុបណ្ឌិតផ្នែករៀបចំតំបន់ និងនគរូបនីយកម្មនៅសាកលវិទ្យាល័យ Queensland ប្រទេសអូស្រ្តាលី។ គាត់ចូលចិត្តការរៀបចំទីក្រុង ព្យាយាមស្វែងរកដំណោះស្រាយសម្រាប់បញ្ហាដែលកើតមានក្នុងទីក្រុងដូចជារាជធានីភ្នំពេញជាដើម។ គាត់ដឹងថាការរចនាទីក្រុងប្រសើរគឺល្អសម្រាប់មនុស្ស និងធម្មជាតិ។ អ្វីដែលគាត់មិនចូលចិត្តអំពីមុខជំនាញនេះគឺការដែលថាភាគច្រើនវាជាទ្រឹស្ដី ដូច្នេះវាពិបាកក្នុងការយកទ្រឹស្ដីមកអនុវត្ត។ លើសពីនេះ ការរៀនយកអនុបណ្ឌិតនៅបរទេសគឺពិតជាមានការលំបាក ដោយសារតែរាល់ពេលអ្នកត្រូវបញ្ចប់ទាំងកិច្ចការ និងការសិក្សា។ អ្វីដែលគាត់ចូលចិត្តបំផុតគឺការដែលសាស្ត្រាចារ្យដាក់កិច្ចការដល់សិស្សឱ្យរចនាទីក្រុងល្អប្រសើរមួយសម្រាប់ សហគមន៍ដែលមានបញ្ហា។ ការធ្វើដូចនេះធ្វើឱ្យសិស្សចេះស្វែងរកដំណោះស្រាយជាក់ស្ដែងសម្រាប់បញ្ហាពិតៗ។ ទោះបីជាយ៉ាងណា គាត់គិតថាអ្វីដែលគាត់បានរៀនពីប្រទេសអូស្រ្តាលីមិនអាចយកមកអនុវត្តនៅប្រទេសកម្ពុជាបានទេ ដោយសារតែច្បាប់ និងនីតិវិធីខុសគ្នា។ បច្ចុប្បន្នណារ៉ូ ធ្វើការនៅផ្នែករៀបចំនគរូបនីយកម្មនៅក្រសួងរៀបចំដែនដី។

គន្លឹះរបស់គាត់សម្រាប់សិស្សានុសិស្សដែលចាប់អារម្មណ៍ជំនាញ៖ ត្រូវមានភាពច្នៃប្រឌិត បើកចិត្តទូលាយ និងស្វែងយល់ បច្ចេកវិទ្យាថ្មីៗ និងការរចនានៅជុំវិញពិភពលោក។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Build Bright University Phnom Penh, Phnom Penh
• Cambodian Mekong University, Phnom Penh
• Norton University, Phnom Penh
• Royal University of Fine Arts, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចាប់អារម្មណ៍ការរចនាដែរ ឬទេ? ហើយតើអ្នកមានអារម្មណ៍មានកម្លាំងចិត្តពេលឃើញការរចនាផ្នែកខាងក្នុងផ្សេងៗដែ​រ ឬទេ? មុខជំនាញការរចនាផ្នែកខាងក្នុងនឹងបង្រៀនអ្នកបន្ថែមអំពីសំណង់ផ្នែកខាងក្នុង ការរៀបចំលំហ និងសម្ភារៈជាដើម។

បទសម្ភាសន៍ជាមួយនឹងនិស្សិតផ្នែករចនាផ្នែកខាងក្នុង

ណុច សារឿន (អាយុ ២៧ឆ្នាំ) កំពុងបញ្ចប់ការសិក្សាឆ្នាំទី៤ ពីសាកលវិទ្យាល័យភូមិន្ទវិចិត្រសិល្បៈ។ គាត់សម្រេចចិត្តសិក្សាជំនាញការរចនាខាងក្នុងដោយសារគាត់ចូលចិត្តការគូរ និងការបង្កើតអ្វីមួយថ្មី។ ជាពិសេសគាត់ចូលចិត្តគំនិតនៃការរចនាថ្មីៗ សោភណ្ឌ និងការគូរ។ ប៉ុន្តែគាត់ចូលចិត្តជំនាញក្នុងការគូរជាងគេដោយសារគាត់អាចគូរអ្វីដែលគ្រូសុំឱ្យគាត់ធ្វើ។ អ្វីដែលគាត់មិនចូលចិត្តជាងគេនោះគឺការគូរដោយកុំព្យូទ័រ និងមុខវិជ្ជាជាច្រើនដែលគាត់ត្រូវរៀន។ បន្ទុកការងារគឺផ្សេងៗគ្នា នៅឆ្នាំខ្លះអ្នកអាចធ្វើការងារក្រៅម៉ោងបាន តែឆ្នាំផ្សេងទៀតអ្នកត្រូវការពេលវេលាជាច្រើនដើម្បីសិក្សា។ ពេលគាត់បញ្ចប់ការសិក្សា គាត់ចង់ធ្វើការផ្នែករចនាខាងក្នុង។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Angkor University, Siem Reap
• City University, Phnom Penh
• Limkokwing University of Creative Technology, Phnom Penh
• Norton University, Phnom Penh
• Phnom Penh International Institute of the Arts, Phnom Penh
• Raffles International College, Phnom Penh
• Western University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកពូកែខាងគណិតវិទ្យា និងរូបវិទ្យាដែរ ឬទេ? ហើយតើអ្នកចង់ប្រើប្រាស់ជំនាញទាំងនេះដើម្បីបង្កើតដំណោះស្រាយដែរ ឬទេ? តើអ្នកចង់រួមចំណែកក្នុងការអភិវឌ្ឍសង្គមដោយធ្វើការលើសំណង់ហេដ្ឋារចនា សម្ព័ន្ធ (ដូចជា ផ្លូវថ្នល់ ផ្លូវរូងក្រោមដីនិងស្ពាន) ឬសំណង់ជលសាស្ត្រ (ទំនប់ ប្រឡាយ ប្រព័ន្ធចែកចាយទឹក និងប្រព័ន្ធលូ) ដែរ ឬទេ? មុខជំនាញផ្នែកសំណង់ស៊ីវិលនឹងធ្វើឱ្យអ្នកក្លាយជាអ្នកជំនាញផ្នែកធរណីមាត្រ រូបវិទ្យា និងត្រីកោណមាត្រជាដើម។ អ្នកនឹងធ្វើការសាកល្បងគំនិតផ្សេងៗដោយប្រើប្រាស់ខ្នាត mock-ups. ។

បទសម្ភាសន៍ជាមួយនិស្សិតផ្នែកវិស្វកម្មសំណង់ស៊ីវិល

ធី លីហ៊ាង (អាយុ ២១ឆ្នាំ) គឺជានិស្សិតឆ្នាំទី៣ នៃវិទ្យាស្ថានបច្ចេកវិទ្យាកម្ពុជា ជំនាញសំណង់ស៊ីវិល។ ធនវ័ត សារីក (អាយុ ២៤ឆ្នាំ) បានបញ្ចប់ការសិក្សាផ្នែកវិស្វកម្មសំណង់ស៊ីវិល ពីសាកលវិទ្យាល័យបញ្ញាសាស្ត្រកម្ពុជា។ លីហ៊ាងនិយាយថាគាត់ជ្រើសរើសជំនាញនេះដោយសារតែគាត់ស្រឡាញ់ផ្នែកវិទ្យាសាស្ត្រ និងគណិតវិទ្យា ហើយគាត់ចង់សង់សំណង់អគារ និងជួយដល់អ្នកដទៃផងដែរ ឧទាហរណ៍ដោយការសាងសង់លំនៅដ្ឋានដល់ជនក្រីក្រជាដើម។ សារីកបន្ថែមថាវិស័យ សំណង់មានសារៈសំខាន់ណាស់ក្នុងប្រទេសកម្ពុជាព្រោះប្រទេសកំពុងអភិវឌ្ឍយ៉ាងខ្លាំង ហេតុនេះហើយការសាងសង់កំពុងកើនឡើង ហើយបច្ចុប្បន្នកំពុងមានតម្រូវការអ្នកជំនាញដែលមានជំនាញនេះ។

អ្វីដែលជាចំណុចល្អនៃមុខជំនាញនេះគឺវាផ្អែកលើមូលហេតុ និងវិទ្យាសាស្ត្រ ហើយអាចប្រើបានដោយភាពច្នៃប្រឌិត និងភាពបត់បែនដរាបណាវាគួបផ្សំជាមួយនឹងស្ដង់ដារ។ ទោះជាយ៉ាងណាការគណនាសម្រាប់ការដោះស្រាយបញ្ហាអាចមានការពិបាក ហើយភស្តុតាងអាចនឹងពិបាករក។ ប៉ុន្តែបើអ្នកកាន់តែអនុវត្ត វានឹងកាន់តែងាយស្រួល។

បន្ទុកការងារមានភាពខុសៗគ្នា៖ លីហ៊ាងនិយាយថាគាត់ចំណាយពេល ៣០ម៉ោងនៅវិទ្យាស្ថាន និងត្រូវការពេលវេលាបន្ថែមដើម្បីសិក្សានៅផ្ទះ។ សារីកនិយាយថាអ្នកនឹងត្រូវសិក្សានៅសាកលវិទ្យាល័យរយៈពេល ៥ថ្ងៃក្នុងមួយសប្ដាហ៍ និង ៣ម៉ោងក្នុងមួយថ្ងៃ ប៉ុន្តែអ្នកនៅតែត្រូវការពេលវេលាបន្ថែមសម្រាប់រំលឹកមេរៀន និងអនុវត្តដើម្បីស្វែងយល់ពីមេរៀនទាំង អស់។

លីហ៊ាងចង់ធ្វើការនៅផ្នែកគណនានៃវិស័យសំណង់នាពេលអនាគត។ ដោយឡែកសារីកកំពុងបម្រើការងារក្នុងវិស័យ សំណង់ ហើយសង្ឃឹមថានឹងបើកជំនួញផ្ទាល់ខ្លួនក្នុងវិស័យនេះនៅពេលណាមួយនៅអនាគត។

ដំបូន្មានរបស់ពួកគេគឺថាប្រសិនបើអ្នកចាប់អារម្មណ៍មុខជំនាញនេះ៖ មុខវិជ្ជានៅវិទ្យាល័យដូចជាគណិតវិទ្យា រូបវិទ្យា និងគីមីវិទ្យាគឺមានសារៈសំខាន់ ប៉ុន្តែមុខវិជ្ជាភូមិវិទ្យា និងផែនដីវិទ្យាក៏សំខាន់ដែរព្រោះអ្នកត្រូវដឹងអំពីព័ត៌មានលម្អិតនៃទីកន្លែងដែលអ្នកនឹងសាងសង់។ ពួកគេបន្ថែមថាអ្នកក៏គួរតែយកចិត្តទុកដាក់លើមុខវិជ្ជាភាសាខ្មែរ អង់គ្លេស បារាំង សីលធម៌ពលរដ្ឋ និងមានជំនាញទំនាក់ទំនងល្អផងដែរ។ ក្រៅពីនេះអ្នកត្រូវតែជាមនុស្សដែលអាចធ្វើការដោយមានសម្ពាធ អាចធ្វើការនៅក្រោមកម្ដៅព្រះអាទិត្យ និងត្រូវត្រៀមខ្លួនធ្វើការដល់យប់ជ្រៅផងដែរ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• American University of Phnom Penh, Phnom Penh
• Angkor University, Siem Reap
• Beltei International University, Phnom Penh
• Build Bright University Phnom Penh, Phnom Penh
• Cambodian Mekong University, Phnom Penh
• Cambodian University for Specialities, Phnom Penh
• City University, Phnom Penh
• Institute of Technology, Phnom Penh
• International University, Phnom Penh
• Life University, Sihanoukville
• National Polytechnic Institute of Cambodia, Phnom Penh
• National Technical Training Institute , Phnom Penh
• National University of Battambang, Battambang
• Norton University, Phnom Penh
• Panha Chiet University, Phnom Penh
• Paññāsāstra University of Cambodia, Phnom Penh
• Paragon International University, Phnom Penh
• University of Kratie, Kratie
• University of Southeast Asia, Siem Reap

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកកំពុងស្វែងរកមុខជំនាញដែលរួមបញ្ចូលគ្នាផ្នែកសិល្បៈ វិទ្យាសាស្ត្រ គណិតវិទ្យា និងបច្ចេកវិទ្យាមែនដែរ ឬទេ? នោះជំនាញក្នុងវិស័យស្ថាបត្យកម្មអាចជាជម្រើសត្រឹមត្រូវសម្រាប់អ្នក។ អ្នកនឹងសិក្សាអំពីគោលការណ៍ និងគំនិតនៃស្ថាបត្យកម្មបែបប្រវត្តិសាស្ត្រ និងទំនើប ហើយអ្នកនឹងសិក្សាដើម្បីរួមបញ្ចូលគ្នារវាងវិទ្យាសាស្ត្រ និងបច្ចេកវិទ្យាជាមួយនឹងការច្នៃប្រឌិតរបស់អ្នក និងការយល់ឃើញអំពីលំហ។

បទសម្ភាសន៍ជាមួយនឹងនិស្សិតផ្នែកស្ថាបត្យកម្ម

ឯ ស៊ុនថង (អាយុ ១៨ឆ្នាំ) ទើបតែបញ្ចប់ថ្នាក់វិទ្យាល័យ ហើយបច្ចុប្បន្នកំពុងសិក្សានៅដេប៉ាតឺម៉ង់ស្ថាបត្យកម្មនៃ
វិទ្យាសា្ថនបច្ចេកវិទ្យាកម្ពុជា រាជធានីភ្នំពេញ។ ប៊ុន ឈៀង (អាយុ១៩ឆ្នាំ) សិក្សាជំនាញស្ថាបត្យកម្មនៅសាកលវិទ្យាល័យភូមិន្ទវិចិត្រសិល្បៈ ហើយបច្ចុប្បន្នកំពុងសិក្សាក្នុងឆ្នាំទី២។ គាត់បានជ្រើសរើសជំនាញនេះដោយសារតែការស្រឡាញ់របស់គាត់ក្នុងការគូរ និងសិល្បៈ។ អ្វីដែលគាត់ចូលចិត្តបំផុតនោះគឺអ្នកងាចបង្កើតនូវអ្វីដែលថ្មី បង្កើតខ្នាតគម្រូ និងសិក្សាអំពីវប្បធម៌អាគារនៃប្រទេសកម្ពុជាផងដែរ។ អ្វីដែលស៊ុនថងចូលចិត្តអំពីស្ថាបត្យកម្មគឺការសិក្សាអំពីធម្មជាតិនៃបរិស្ថាន និងទីជុំវិញ ហើយមុខជំនាញនេះទាក់ទាញភាពច្នៃប្រឌិតរបស់អ្នកក្នុងការរចនា។ ហេដ្ឋារចនាសម្ព័ន្ធត្រូវការសាងសង់ និងសម្របសម្រួលក្នុងប្ទេសកម្ពុជា ហើយវិស័យស្ថាបត្យកម្មគឺជាផ្នែកដែលសំខាន់ជាងគេនៃការសាងសង់សំណង់អគារ។

សម្រាប់មុខជំនាញនេះអ្នកត្រូវការពេលវេលាច្រើនដើម្បីសិក្សា ពីថ្ងៃច័ន្ទដល់សៅរ៍ និងពេលបន្ថែមដើម្បីធ្វើការស្រាវជ្រាវ។ ឈៀង បន្ថែមថាបន្ទុកការងារខុសៗគ្នាតាមមុខវិជ្ជា តែវាពិតជាត្រូវចំណាយពេលច្រើនណាស់។ ក្រោយបញ្ចប់ការសិក្សា ស៊ុនថង មានបំណងបន្ដការងារជាស្ថាបត្យករម្នាក់។ នៅពេលដែលសួរគាត់អំពីផែនការអនាគត ឈៀង លើកឡើងថាគាត់ចង់មានអាជីវកម្មផ្ទាល់ខ្លួនទាក់ទងនឹងវិស័យស្ថាបត្យកម្ម។

ឈៀង ណែនាំដល់សិស្សានុសិស្សវិទ្យាល័យទាំងឡាយឱ្យយកចិត្តទុកដាក់ជាពិសេសលើមុខវិជ្ជាគណិតវិទ្យា រូបវិទ្យា និងធរណីមាត្រ ដោយសារមុខវិជ្ជាទាំងនេះមានសារៈសំខាន់ក្នុងផ្នែកស្ថាបត្យកម្មនេះ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• American University of Phnom Penh, Phnom Penh
• Angkor University, Siem Reap
• Beltei International University, Phnom Penh
• Build Bright University Phnom Penh, Phnom Penh
• City University, Phnom Penh
• Life University, Sihanoukville
• Limkokwing University of Creative Technology, Phnom Penh
• National Technical Training Institute , Phnom Penh
• Norton University, Phnom Penh
• Paññāsāstra University of Cambodia, Phnom Penh
• Paragon International University, Phnom Penh
• University of Southeast Asia, Siem Reap
• Western University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់សិក្សាបន្ថែមអំពីភាសាកូរ៉េ និងចំណុចសំខាន់នៃវប្បធម៌របស់ប្រទេសនេះដែរ ឬទេ? នោះមុខជំនាញក្នុងការសិក្សាភាសាកូរ៉េអាចជាជម្រើសសម្រាប់អ្នក!

សាកលវិទ្យាល័យខាងក្រោមមានបង្រៀនមុខជំនាញនេះ៖

• Angkor University, Siem Reap
• Life University, Sihanoukville
• Mean Chey University, Banteay Meanchey
• National University of Battambang, Battambang
• Royal University of Phnom Penh, Phnom Penh
• University of Cambodia, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់សិក្សាបន្ថែមអំពីភាសាខ្មែរ​ និងចំណុចសំខាន់នៃវប្បធម៌របស់ប្រទេសនេះដែរ ឬទេ? នោះមុខជំនាញក្នុងការសិក្សាភាសាខ្មែរអាចជាជម្រើសសម្រាប់អ្នក!

បទសម្ភាសន៍ជាមួយនឹងនិស្សិតជំនាញសិក្សាភាសាខ្មែរ

ងួន សុខនិមល (អាយុ ២១ឆ្នាំ) ជំនាញអក្សរសាស្ត្រខ្មែរ នៅសាកលវិទ្យាល័យភូមិន្ទភ្នំពេញ ហើយកំពុងសិក្សាឆ្នាំទី៤។ និមលជ្រើសរើសជំនាញនេះដោយសារតែគាត់ដឹងអំពីទេពកោសល្យរបស់គាត់ក្នុងជំនាញនេះ ហើយគាត់ចូលចិត្តផ្នែក វប្បធម៌ និងអក្សរសាស្ត្រ។ នៅពេលដែលអ្នកសិក្សាជំនាញនេះអ្នកត្រូវការយ៉ាងហោចណាស់ ២៤ម៉ោងក្នុងមួយសប្ដាហ៍ដើម្បីសិក្សា។
មុខវិជ្ជាដែលគាត់ចូលចិត្តគឺអក្សរសាស្ត្រខ្មែរព្រោះវាផ្ដល់នូវការយល់ដឹងអំពីសង្គម និងបញ្ហាដែលត្រូវដោះស្រាយ។ បន្ទាប់ពីនិមលបញ្ចប់ការសិក្សា គាត់អាចក្លាយជាគ្រូបង្រៀន អ្នកនិពន្ធកាសែត អ្នកនិពន្ធសៀវភៅ អ្នករៀបចំកម្មវិធី។ យ៉ាងណាក៏នៅមានជម្រើសច្រើនជាងនេះទៀត។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Cambodian University for Specialities, Phnom Penh
• Chea Sim University of Kamchaymear, Kamchaymear
• Dewey International University, Battambang
• Khmer University of Technology and Management, Sihanoukville
• Mean Chey University, Banteay Meanchey
• Paññāsāstra University of Cambodia, Phnom Penh
• Royal University of Phnom Penh, Phnom Penh
• University of Management and Economics, Battambang
• University of Southeast Asia, Siem Reap

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់សិក្សាបន្ថែមអំពីភាសាចិន​ និងចំណុចសំខាន់នៃវប្បធម៌របស់ប្រទេសនេះដែរ ឬទេ? នោះមុខជំនាញក្នុងការសិក្សាភាសាចិនអាចជាជម្រើសសម្រាប់អ្នក!

សាកលវិទ្យាល័យខាងក្រោមមានបង្រៀនមុខជំនាញនេះ៖

• Asia Euro University, Phnom Penh
• IIC University of Technology, Phnom Penh
• Life University, Sihanoukville
• Mean Chey University, Banteay Meanchey
• National University of Battambang, Battambang
• Royal University of Phnom Penh, Phnom Penh
• University of Cambodia, Phnom Penh
• University of Management and Economics, Battambang

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់សិក្សាបន្ថែមអំពីភាសាជប៉ុន​ និងចំណុចសំខាន់នៃវប្បធម៌របស់ប្រទេសនេះដែរ ឬទេ? នោះមុខជំនាញក្នុងការសិក្សាភាសាជប៉ុនអាចជាជម្រើសសម្រាប់អ្នក!

សាកលវិទ្យាល័យខាងក្រោមមានបង្រៀនមុខជំនាញនេះ៖

• Cambodian Mekong University, Phnom Penh
• IIC University of Technology, Phnom Penh
• National University of Battambang, Battambang
• Royal University of Phnom Penh, Phnom Penh
• University of Cambodia, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់សិក្សាបន្ថែមអំពីភាសាថៃ និងចំណុចសំខាន់នៃវប្បធម៌របស់ប្រទេសនេះដែរ ឬទេ? នោះមុខជំនាញក្នុងការសិក្សាភាសាថៃអាចជាជម្រើសសម្រាប់អ្នក!

សាកលវិទ្យាល័យខាងក្រោមមានបង្រៀនមុខជំនាញនេះ៖

• Mean Chey University, Banteay Meanchey
• Royal University of Phnom Penh, Phnom Penh
• University of Management and Economics, Battambang

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់សិក្សាបន្ថែមអំពីភាសាបារាំង​ និងចំណុចសំខាន់នៃវប្បធម៌របស់ប្រទេសនេះដែរ ឬទេ? នោះមុខជំនាញក្នុងការសិក្សាភាសាបារាំងអាចជាជម្រើសសម្រាប់អ្នក!

សាកលវិទ្យាល័យខាងក្រោមមានបង្រៀនមុខជំនាញនេះ៖

• Royal University of Phnom Penh, Phnom Penh
• University of Cambodia, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់សិក្សាបន្ថែមអំពីភាសាអង់គ្លេស​ និងចំណុចសំខាន់នៃវប្បធម៌របស់ប្រទេសនេះដែរ ឬទេ? នោះមុខជំនាញក្នុងការសិក្សាភាសាអង់គ្លេសអាចជាជម្រើសសម្រាប់អ្នក!

បទសម្ភាសន៍ជាមួយនឹងនិស្សិតជំនាញសិក្សាភាសាអង់គ្លេស

ឌីន សុខដែនមានអាយុ ៣០ឆ្នាំ ហើយបានចាប់យកមុខជំនាញសិក្សាភាសាអង់គ្លេសនៅសាកលវិទ្យាល័យវេសស្ទើន។ គាត់បានជ្រើសរើសសិក្សាភាសាអង់គ្លេសដោយសារតែគាត់គិតថាភាសាគឺមានសារៈសំខាន់ និងអាចជួយគាត់ឱ្យទំនាក់ទំនងជាមួយនឹងអ្នកនៅជុំវិញគាត់។ គាត់ចូលចិត្តមុខជំនាញនេះដោយសារតែភាសាអង់គ្លេសគឺជាភាសាសាកល លើសពីនេះភាសានេះត្រូវបានប្រើប្រាស់ស្ទើរតែគ្រប់ប្រព័ន្ធផ្សព្វផ្សាយ។ បន្ទាប់ពីបញ្ចប់ការសិក្សាគាត់ចង់ចាប់ផ្ដើមអាជីវកម្មផ្ទាល់ខ្លួន។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Angkor University, Siem Reap
• Asia Euro University, Phnom Penh
• Beltei International University, Phnom Penh
• Build Bright University Phnom Penh, Phnom Penh
• Cambodian Mekong University, Phnom Penh
• Cambodian University for Specialities, Phnom Penh
• Chea Sim University of Kamchaymear, Kamchaymear
• Dewey International University, Battambang
• Human Resource University, Phnom Penh
• IIC University of Technology, Phnom Penh
• International University, Phnom Penh
• Khmer University of Technology and Management, Sihanoukville
• Life University, Sihanoukville
• Mean Chey University, Banteay Meanchey
• National Institute of Business, Phnom Penh
• National University of Battambang, Battambang
• National University of Management, Phnom Penh
• Norton University, Phnom Penh
• Panha Chiet University, Phnom Penh
• Paññāsāstra University of Cambodia, Phnom Penh
• Phnom Penh International University, Phnom Penh
• Prek Leap National College of Agriculture, Phnom Penh
• Royal University of Phnom Penh, Phnom Penh
• Saint Paul Institute, Takeo
• Svay Rieng University, Svay Rieng
• University of Cambodia, Phnom Penh
• University of Economics and Finance, Phnom Penh
• University of Kratie, Kratie
• University of Management and Economics, Battambang
• University of Southeast Asia, Siem Reap
• Western University, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់ក្លាយជាអ្នកជំនាញក្នុងផ្នែកសិល្បៈ ប្រវត្តិសាស្ត្រ ភាសា នយោបាយ សង្គម និងសេដ្ឋកិច្ចនៃតំបន់អាស៊ីដែរ ឬទេ? នោះមុខជំនាញការសិក្សាអំពីតំបន់អាស៊ី (អាគ្នេយ៍) អាចជាជម្រើសដ៏ល្អបំផុតសម្រាប់អ្នក។

សាកលវិទ្យាល័យខាងក្រោមមានបង្រៀនមុខជំនាញនេះ៖

• University of Cambodia, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់តតាំងជាមួយនឹងសំណួរពិបាកៗដែរ ឬទេ? តើអ្នកចាប់អារម្មណ៍នឹងការយល់ឃើញរបស់មនុស្ស និងជំនឿរបស់ខ្លួនអ្នកដែរ ឬទេ? មុខជំនាញផ្នែកទស្សនវិទ្យានឹងធ្វើឱ្យអ្នកយល់កាន់តែច្បាស់អំពីគោលការណ៍ជាក់លាក់ដូចជាគណិតវិទ្យា សិល្បៈប្រវត្តិសាស្ត្រ ការគណនា និងសាសនា។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Dewey International University, Battambang
• Khmer University of Technology and Management, Sihanoukville
• Panha Chiet University, Phnom Penh
• Royal University of Phnom Penh, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចាប់អារម្មណ៍ក្នុងការពន្យល់របស់សាសនាណាមួយដែរ ឬទេ? នោះជំនាញផ្នែកទេវវិទ្យាអាចជាជម្រើសដ៏ត្រឹមត្រូវសម្រាប់អ្នក។ ជំនាញនេះនឹងបង្រៀនអ្នកបន្ថែមអំពីការពិនិត្យមើលលើជំនឿ ទំនៀមទម្លាប់ និងការបង្រៀន ក៏ដូចជារបៀបធ្វើការឆ្លុះបញ្ចាំងលើប្រធានបទទាំងនេះ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Life University, Sihanoukville

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចាប់អារម្មណ៍លើអាកប្បកិរិយាមនុស្ស ហើយចង់សិក្សាថាតើអាកប្បកិរិយាទាំងនេះខុសគ្នាដោយរបៀបណារវាងវប្បធម៌ និងសហគមន៍ផ្សេងៗទាំងពេលបច្ចុប្បន្ន និងអតីតកាលដែរ ឬទេ? ក្នុងមុខជំនាញមនុស្ស
សាស្ត្រ អ្នកនឹងសិក្សាថាហេតុអ្វីបានជាមនុស្សធ្វើការសម្រេចចិត្តបែបណាមួយ ហើយថាតើការសម្រេចចិត្តទាំងនោះរងឥទ្ធិពលដោយវប្បធម៌ និងសហគមន៍របស់យើងដោយរបៀបណា។ក អ្នកនឹងក្លាយជាអ្នកជំនាញថាតើកត្តាណាខ្លះដែលជះឥទ្ធិពលលើអាកប្បកិរិយា និងគំនិតរបស់យើង។ ក្រៅពីវគ្គសិក្សាដូចជានរវិទ្យាវប្បធម៌ និងជីវវិទ្យា និងជនជាតិ និងអត្តសញ្ញាណ អ្នកក៏នឹងទទួលបានជំនាញស្រាវជ្រាវដ៏រឹងមាំផងដែរ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Paññāsāstra University of Cambodia, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់ត្រឡប់ទៅអតីតកាល ហើយពន្យល់ពីសង្គមបច្ចុប្បន្នដោយវិភាគលើសម្ភារៈដែលនៅសេសសល់ និងវត្ថុជាប្រវត្តិសាស្ត្រដែរ ឬទេ? តើអ្នកចង់យកឯកទេសផ្នែកបេតិកភ័ណ្ឌវប្បធម៌ និងសិល្បៈដែរ ឬទេ? នោះជំនាញបុរាណវិទ្យា និងប្រវត្តិសិល្បៈជាជម្រើសដ៏សាកសមមួយ។ អ្នកនឹងទទួលបានចំណេះដឹងអំពីរបៀបដែលមនុស្សធ្លាប់រស់នៅក្នុងអតីតកាល វត្ថុណាខ្លះដែលពួកគេបានបង្កើត និងរបៀបវិភាគវត្ថុទាំងអស់នេះតាមរយៈវិធីសាស្ត្រស្រាវជ្រាវផ្សេងៗ។ ប្រសិនបើអ្នកជ្រើសរើសឯកទេសប្រវត្តិសិល្បៈ អ្នកនឹងសិក្សាអំពីប្រធានបទទាំងនេះក្នុងបរិបទប្រវត្តិសិល្បៈ។

បទសម្ភាសន៍ជាមួយនិស្សិតផ្នែកបុរាណវិទ្យា និងប្រវត្តិសិល្បៈ

ប៉ឹង ស្រីណុច (អាយុ ២៦ឆ្នាំ) ទើបបញ្ចប់ការសិក្សាពីសាកលវិទ្យាល័យភូមិន្ទវិចិត្រសិល្បៈ ជំនាញបុរាណវិទ្យា។ មុខជំនាញនេះគួរឱ្យទាក់ទាញសម្រាប់គាត់ដោយសារគាត់ចង់ស្វែងយល់បន្ថែមអំពីសំណង់ និងទម្រង់សិល្បៈបុរាណ។ គាត់ជ្រើសរើសសិក្សាផ្នែកបុរាណវិទ្យាដោយសារនេះគឺជាការសិក្សាអំពីវត្ថុបុរាណដែលនៅសេសសល់ក្នុង និងលើដី។ ហេតុនេះហើយបានជាជំនាញនេះសក្ដិសមនឹងគាត់ឥតខ្ចោះ។
ស្រីណុចពិតជាចូលចិត្តសិក្សាអំពីប្រវត្តិសាស្ត្រ វប្បធម៌ និងសិល្បៈនៃប្រទេសផ្សេងៗដែលទាក់ទងនឹងប្រទេសកម្ពុជា។ ស្រីណុចចូលចិត្តមុខវិជ្ជាដូចជា ប្រវត្តិសាស្ត្រ និងប្រវត្តិសិល្បៈបុរាណខ្មែរ ដោយសារតែមុខវិជ្ជាទាំងនេះផ្ដល់នូវចំណេះដឹងលម្អិតដែលអ្នកត្រូវដឹងពេលទៅទស្សនាប្រាសាទ និងតំបន់បុរាណ។ ស្រីណុចក៏ចូលចិត្តដំណើរទស្សនកិច្ចទៅបណ្ដាខេត្តផងដែរដើម្បីស្វែងយល់បន្ថែមអំពីទំនៀមទម្លាប់ និងសាសនា ហើយនិងស្វែងរកភស្ដុតាងដែលនៅសល់នៅតាមប្រាសាទ និងតំបន់បុរាណ។ ការធ្វើកំណាយដើម្បីស្វែងរកភស្តុតាងដែលនឹងបង្ហាញវត្ថុអំពីប្រវត្តិសាស្ត្រ គឺជាសកម្មភាពមួយផ្សេងទៀតដែលស្រីណុចចូលចិត្តពេលនៅសិក្សា។ អ្វីដែលគាត់មិនចូលចិត្តនោះគឺការសិក្សាភាសាបាលី និងសំស្រ្កឹត ដោយសារតែវាលម្អិតពេក និងពិតជាស្មុគស្មាញណាស់។
អ្នកត្រូវខិតខំឱ្យខ្លាំងសម្រាប់កិច្ចការភាគច្រើនដូចជាធ្វើការស្រាវជ្រាវ និងអានឯកសារជាច្រើន ដែលឯកសារទាំងនោះភាគច្រើនជាភាសាអង់គ្លេស ឬបារាំង។ ដូច្នេះប្រសិនបើអ្នកខ្សោយផ្នែកភាសា អ្នកត្រូវចំណាយពេលបន្ថែមច្រើនដើម្បីស្វែងយល់ពីវា។

បច្ចុប្បន្នស្រីណុចកំពុងបម្រើការងារនៅវិស័យវប្បធម៌ដូចដែលបានគ្រោងទុក ប៉ុន្តែគាត់សង្ឃឹមថានឹងក្លាយជាអ្នកស្រាវជ្រាវម្នាក់ពេលអនាគតបន្ទាប់ពីគាត់ទទួលបានបទពិសោធន៍ការងារបន្ថែមទៀត។

ស្រីណុចលើកឡើងថាមុខវិជ្ជានៅវិទ្យាល័យដែលសំខាន់សម្រាប់ជំនាញនេះគឺប្រវត្តិវិទ្យា និងភាសាខ្មែរ។ អ្នកត្រូវការមុខវិជ្ជាទាំងនេះដោយសារតែវាជាអ្វីដែលអ្នកនឹងរៀនបន្ថែម និងកាន់តែស៊ីជម្រៅពេលនៅសាកលវិទ្យាល័យ។ ភាសាបារាំង និងភាសាអង់គ្លេសក៏មានសារៈសំខាន់ផងដែរ។

សាកលវិទ្យាល័យខាងក្រោមមានបង្រៀនមុខជំនាញនេះ៖

• National University of Battambang, Battambang
• Royal University of Fine Arts, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកចង់ទទួលបានចំណេះដឹងទូលំទូលាយអំពីប្រវត្តិសាស្ត្រដែរ ឬទេ? បន្ទាប់ពីចាប់យកជំនាញប្រវត្តិសាស្ត្ររួច នោះប្រវត្តិនៃប្រទេសរបស់យើង និងព្រឹត្តិការណ៍សំខាន់ៗលែងមានអាថ៌កំបាំងពីអ្នកទៀតហើយ។ កំឡុងពេលរៀនវគ្គនេះ អ្នកនឹងសិក្សាថាតើព្រឹត្តិការណ៍ក្នុងប្រវត្តិសាស្ត្រនៅមានឥទ្ធិពលលើបរិបទសង្គម និងនយោបាយបច្ចុប្បន្នដោយរបៀបណា។ ក្រៅពីនេះ អ្នកនឹងទទួលបានជំនាញក្នុងការស្រាវជ្រាវរឹងមាំដូចជាក្នុងការវិភាគ និងបកប្រែប្រភពផ្សេងៗពីអតីតកាល។ ក្នុងមុខជំនាញនេះ អ្នកអាចចាប់យកឯកទេសក្នុងជំនាញជាក់លាក់នៃប្រវត្តិសាស្ត្រដែលអ្នកចាប់អារម្មណ៍ជាងគេ។

បទសម្ភាសន៍ជាមួយនឹងនិស្សិតផ្នែកប្រវត្តិសាស្ត្រ

ធី គីមហុង (អាយុ ២១ឆ្នាំ) គឺជានិស្សិតឆ្នាំទី៣ ជំនាញប្រវត្តិសាស្ត្រនៅសាកលវិទ្យាល័យភូមិន្ទភ្នំពេញ។ គីមហុង ជ្រើសរើសជំនាញ​នេះដោយសារគាត់ស្រឡាញ់ប្រវត្តិសាស្ត្រ និងចង់ដឹងអំពីប្រវត្តិសាស្ត្រនៃប្រជាជនខ្មែរចាប់ពីដើមកំណើតរហូតដល់បច្ចុប្បន្ន។ អ្វីដែលគាត់ចូលចិត្តអំពីជំនាញនេះគឺការដែលវាដោះស្រាយជាមួយការពិត មិនមែនជារឿងព្រេង។ ដូច្នេះការសិក្សាគឺពឹងផ្អែកលើប្រភពដើមទាំងស្រុង។ សម្រាប់មុខជំនាញនេះអ្នកសិក្សានៅក្នុងថ្នាក់ ប៉ុន្តែអ្នកក៏មានកិច្ចការសម្រាប់ការស្រាវជ្រាវផងដែរ។ គីមហុងចូលចិត្តមុខវិជ្ជាទំនាក់ទំនងអន្តរជាតិជាងគេ។ បន្ទាប់ពីបញ្ចប់ការសិក្សា គាត់ចង់បម្រើការក្នុងវិស័យទំនាក់ទំនងអន្តរជាតិនៅក្រសួង។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Cambodian University for Specialities, Phnom Penh
• IIC University of Technology, Phnom Penh
• International University, Phnom Penh
• Khmer University of Technology and Management, Sihanoukville
• Paññāsāstra University of Cambodia, Phnom Penh
• Royal University of Phnom Penh, Phnom Penh
• University of Cambodia, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}

តើអ្នកមានចំណាប់អារម្មណ៍ទូទៅក្នុងផ្នែកភាសាដែរ ឬទេ? តើអ្នកចង់ដឹងទេថាតើទិដ្ឋភាពអ្វីខ្លះដែលបង្កើតបានជាភាសាមួយ (ឧ. សំណង់ ទម្រង់ ឬបរិបទប្រយោគ)? នោះអ្នកអាចនឹងចាប់អារម្មណ៍ជាមួយនឹងមុខជំនាញភាសាវិទ្យា។

សាកលវិទ្យាល័យខាងក្រោមមានបង្រៀនមុខជំនាញនេះ៖

• Royal University of Phnom Penh, Phnom Penh

_{សូមជ្រាបជាមុនថាមុខជំនាញដែលផ្ដល់ដោយសាកលវិទ្យាល័យមានការផ្លាស់ប្ដូររាល់ពេល ហើយទិដ្ឋិភាពទូទៅដែលមាននៅលើទំព័រនេះប្រហែលជាមិនទាន់បានធ្វើបច្ចុប្បន្នភាពនៅឡើយទេ។ យើងណែនាំអ្នកឱ្យធ្វើការស្រាវជ្រាវបន្ថែមនៅពេលគេហទំព័រនៃសាកលវិទ្យា ឬទំនាក់ទំនងមកកាន់ការិយាល័យកិច្ចការនិស្សិតនៃសាកលវិទ្យាល័យដើម្បីបញ្ជាក់ថាសាលាមានផ្ដល់មុខជំនាញដែលអ្នកជ្រើសរើស។}